باتىس قازاقستان وبلىسىنىڭ اكىمى ناريمان تورەعاليەۆ قالالىق ءماسليحاتتىڭ كەزەكتەن تىس سەسسياسىنا قاتىسىپ, اكىم لاۋازىمىنا كانديداتتى ۇسىندى. دەپۋتاتتار ونى قولدادى.
«مۇرات بولات ۇلى ءبىراز جىلدان بەرى ورال قالاسىندا جانە وبلىسىمىزعا قاراستى اۋدانداردا جۇمىس ىستەدى. بارلىق ماسەلەمەن تانىس. ەڭ باستىسى, قالا تۇرعىندارى ونى جاقسى بىلەدى. جيناقتالعان تاجىريبەسى مەن ءبىلىمى وعان قالانىڭ الەۋمەتتىك-ەكونوميكالىق دامۋىندا ءوزىنىڭ الەۋەتىن ىسكە اسىرۋعا كومەكتەسەدى دەپ سەنەمىن», دەپ اتاپ ءوتتى ءوڭىر باسشىسى.
ناريمان تورەعاليەۆ جاڭا اكىمنىڭ الدىنا وبلىس ورتالىعىنىڭ ينفراقۇرىلىمىن دامىتۋدى جالعاستىرۋ بويىنشا بىرقاتار مىندەت قويدى.
مۇرات بايمەنوۆ 1969 جىلى دۇنيەگە كەلگەن. ءار جىلدارى بقو قارجى باسقارماسى باستىعىنىڭ ورىنباسارى, شىڭعىرلاۋ جانە زەلەنوۆ (قازىرگى بايتەرەك) اۋدانى اكىمدەرىنىڭ ورىنباسارى, بقو اكىمى اپپاراتىنىڭ ەكونوميكالىق تالداۋ, ىشكى باقىلاۋ جانە مەملەكەتتىك قىزمەتتەر مونيتورينگى ءبولىمىنىڭ مەڭگەرۋشىسى, بقو ەنەرگەتيكا جانە تۇكش باسقارماسى باسشىسىنىڭ ورىنباسارى, «جايىق جىلۋ قۋات» اق باس ديرەكتورى قىزمەتتەرىن اتقارعان.
2020 جىلدىڭ قازان ايىنان باستاپ قازىرگى ۋاقىتقا دەيىن بايتەرەك اۋدانى اكىمىنىڭ ورىنباسارى قىزمەتىن اتقاردى.
باتىس قازاقستان وبلىسى
