فوتو taxi.kz
وتكەن جىلى پارلامەنت «اۆتوموبيل كولىگى تۋرالى» قر زاڭىنا, ونىڭ ىشىندە تاكسي تاسىمالداۋشىلارى مەن تاكسيگە تاپسىرىس بەرۋگە ارنالعان ءموبيلدى قوسىمشالار وپەراتورلارىنىڭ قىزمەتىنە قاتىستى بىرقاتار تۇزەتۋ ەنگىزگەن ەدى.
ەندى جاڭا ەرەجەگە سايكەس جولاۋشى تاسىمالىن جەرگىلىكتى اتقارۋشى ورگاننىڭ رەسمي تاكسي تاسىمالداۋشىلارى بويىنشا تىزىلىمىنە حابارلاما بەرگەن جەكە تۇلعالار جۇزەگە اسىرا الادى. سونداي-اق تاكسي تاسىمالداۋشىسى جۇرگىزۋشىمەن ەڭبەك شارتىن جاساسۋعا مىندەتتى. تاكسي تاسىمالداۋشىسى ءوز جۇمىسىن باستاعانى تۋرالى حابارلاما بەرگەننەن كەيىن, ونىڭ قىزمەتىن باقىلاۋ تاكسيگە تاپسىرىس بەرۋدىڭ موبيلدىك قوسىمشالارىنىڭ وپەراتورىنا جۇكتەلەدى.
بۇل تۇزەتۋلەر تاكسي تاسىمالداۋشىلارىنىڭ زاڭ تالاپتارىن ساقتاۋىن قامتاماسىز ەتۋگە باعىتتالعان.
