فوتو: اشم ءباسپاسوز قىزمەتى
اۋىل شارۋاشىلىعى مينيسترلىگىنىڭ مالىمەتىنشە, 35,4 گەكتار اۋماقتى الىپ جاتقان ورمان قورىنىڭ جەرلەرى زاڭسىز تۇردە جەكە مەنشىككە بەرىلگەن. جەرلەر تالدىقورعان قالاسىنىڭ ساياباق ايماعىندا ورنالاسقان.
«جەر كودەكسىن بۇزۋ فاكتىسى انىقتالعاندىقتان, جەتىسۋ وبلىسىنىڭ مامانداندىرىلعان اۋدانارالىق ەكونوميكالىق سوتى تالدىقورعان قالاسى اكىمدىگىنىڭ جەر ۋچاسكەسىن بەرۋ تۋرالى قاۋلىسىنىڭ كۇشىن جويۋ تۋرالى شەشىم شىعاردى. اتالعان جەر ۋچاسكەلەرىمەن بايلانىستى ساتىپ الۋ-ساتۋ, سىيعا تارتۋ جانە مۇراگەرلىك قۇقىعى تۋرالى كۋالىكتىڭ بارلىعى جارامسىز دەپ تانىلدى», دەلىنگەن ۆەدومستۆو حابارلاماسىندا.
جاۋاپ بەرۋشىلەر سوت شەشىمىنە قارسى اپەللياتسيالىق شاعىم بەرگەن.
ناتيجەسىندە, وبلىستىق سوتتىڭ ازاماتتىق ىستەر جونىندەگى سوت القاسىنىڭ قاۋلىسىمەن اپەللياتسيالىق شاعىم قاناعاتتاندىرىلماي, ءبىرىنشى ينستانتسيا سوتىنىڭ شەشىمى وزگەرىسسىز قالعان.
