فوتو: سەناتتىڭ ءباسپاسوز قىزمەتى
الداعى بەيسەنبىدە سەناتورلار «بيولوگيالىق ماتەريال الماسۋ تۋرالى كەلىسىمدى راتيفيكاتسيالاۋ تۋرالى» زاڭدى قارايدى. قۇجاتتىڭ نورمالارى جانۋارلاردىڭ جۇقپالى اۋرۋلارىنىڭ تارالۋىن بولدىرماۋعا, اسا قاۋىپتى اۋرۋلاردىڭ زەرتحانالىق دياگنوستيكاسىن جەتىلدىرۋگە, سونداي-اق ميكروورگانيزمدەردىڭ (شتاممداردىڭ) ۇلتتىق كوللەكتسيالارىن تولىقتىرۋعا جانە كەلىسىمگە قاتىسۋشى مەملەكەتتەردىڭ اۋماقتارىن ەپيزووتيادان قورعاۋعا باعىتتالعان.
سونىمەن قاتار اتالعان حالىقارالىق قۇجاتتا تاراپتاردىڭ ەپيزووتيالىق احۋالى مەن عىلىمي مۇددەلەرىن ەسكەرەتىن اككرەديتتەلگەن جانە رەفەرەنتتىك زەرتحانالاردا بيولوگيالىق ماتەريالعا زەرتحانالىق زەرتتەۋلەر جۇرگىزۋ قاراستىرىلادى. ماتەريالدى ىرىكتەۋ, قاپتاۋ جانە تاسىمالداۋ حالىقارالىق ستاندارتتارعا, ونىڭ ىشىندە دۇنيەجۇزىلىك جانۋارلار دەنساۋلىعىن قورعاۋ ۇيىمىنىڭ ۇسىنىمدارىنا سايكەس ىسكە اسىرىلادى.
سونداي-اق بيۋرو وتىرىسىندا ماجىلىستەن كەلىپ تۇسكەن زاڭدار جۇمىس ءۇشىن تۇراقتى كوميتەتتەرگە ءبولىنىپ بەرىلگەن.
