فوتو: Freepik
استانا قالاسى پروكۋراتۋراسىنىڭ مالىمەتىنشە, 2018 جىلى سوت ۇكىمىمەن پارا بەرۋشىگە 672 ملن تەڭگە كولەمىندە ايىپپۇل سالىنعان. جازادان جالتارۋ ءۇشىن پارا بەرۋشى ۋاكىلەتتى ورگانعا ايىپپۇلدى تولىق تولەگەنى تۋرالى جالعان قۇجات ۇسىنعان.
«قالالىق پروكۋراتۋرا بۇل قىلمىستىق دەرەكتى دەر كەزىندە انىقتاپ, سوتتالعاننىڭ جازاسى ايىپپۇلدان 10 جىل باس بوستاندىعىنان ايىرۋعا اۋىستىرىلدى. تەرگەپ-تەكسەرۋ بارىسىندا سوتتالۋشىنىڭ ميلليونداعان ايىپپۇل تولەۋدەن جالتارۋعا كومەكتەسكەن تۇلعا ۇستالدى», دەلىنگەن حابارلامادا.
سوت ۇكىمىمەن كىنالى ادام اسا ءىرى مولشەردە الاياقتىق جاساپ, لاۋازىمدى تۇلعاعا اسا ءىرى مولشەردە پارا بەرۋگە يتەرمەلەگەنى ءۇشىن مۇلكى تاركىلەنىپ, مەملەكەتتىك قىزمەتپەن اينالىسۋ قۇقىعىنان ءومىر بويىنا ايىرا وتىرىپ, 10 جىلعا باس بوستاندىعىنان ايىرۋ جازاسىنا سوتتالعان.
سوت ۇكىمى زاڭدى كۇشىنە ەندى.
