فوتو: Polisia.kz.
Polisia.kz-ءتىڭ جازۋىنشا, وبلىستىڭ بۇقار جىراۋ اۋدانىنىڭ پب ۋچاسكەلىك پوليتسيا ينسپەكتورلارى ەلدى مەكەندەردىڭ بىرىندە قۇقىق بۇزۋشىلىقتاردى انىقتاۋ جانە الدىن الۋ بويىنشا پروفيلاكتيكالىق ءىس-شارالار جۇرگىزۋ كەزىندە كوشەلەردىڭ بىرىندە جۇرگەن بەيتانىس ادامعا نازارلارى اۋدى.
تەكسەرۋ بارىسىندا ونىڭ وسى جىلدىڭ باسىنان بەرى حابار-وشارسىز كەتكەن ادام رەتىندە ىزدەۋدە جۇرگەن قاراعاندى قالاسىنىڭ 47 جاستاعى تۇرعىنى ەكەنى بەلگىلى بولدى. قاڭتار ايىندا جوعالىپ كەتكەن ازاماتتىڭ تۋىستارى ونى ىزدەۋ تۋرالى الەۋمەتتىك جەلىدە حابارلاما تاراتقان.
ەر ادامنىڭ ايتۋىنشا, ول وسى 10 ايدىڭ ىشىندە وڭىردەگى اۋدانداردىڭ بىرىندە تۇرعان, ال جاقىندا بۇقار جىراۋ اۋدانىنا بارعان. ونىڭ ۇستىنە ول ءوزىنىڭ تۇرعان جەرى, ءجۇرىس-تۇرىسى تۋرالى تۋىستارىن حاباردار ەتپەگەن. قازىرگى ۋاقىتتا تابىلعان ازامات ىزدەستىرۋ ورنى – قاراعاندى قالاسىنا جىبەرىلدى.
