سوت بارىسىندا سوتتالۋشى ا. شىمكەنت قالاسىنىڭ حالىققا قىزمەت كورسەتۋ ورتالىعىندا باس مامان قىزمەتىن اتقارىپ ءجۇرىپ, بىرنەشە جابىرلەنۋشىلەرگە قاتىستى الاياقتىق قىلمىستارىن جاساعانى انىقتالعان.
- سوتتالۋشى ا. 2022 جىلى جابىرلەنۋشى ك.-عا الاڭى 20,0800 گا جەر ۋچاسكەسىن ونىڭ اتىنا جەكەشەلەندىرىپ بەرۋ, ءارى قاراي تەستىلەۋ ورتالىعىن اشىپ, بىرگە جۇمىس جاساۋ, ودان بولەك, مەملەكەتتىك باعدارلامالار بويىنشا پاتەردى ارزان باعاعا الىپ بەرۋ ءۇشىن الداپ, اسا ءىرى مولشەردە جالپى 113 000 000 تەڭگەنى الاياقتىق جولمەن جىمقىرعان.
قالعان 14 كورىنىس بويىنشا كورسەتىلگەن تاسىلمەن 14 جابىرلەنۋشىلەردەن مەملەكەتتىك باعدارلامالار بويىنشا پاتەر الىپ بەرەتىنىن ايتىپ الداپ, بىرنەشە رەت اسا iرi مولشەردە بوتەننىڭ مۇلكىن جىمقىرۋمەن الاياقتىق جاساپ, جالپى 71 356 000 تەڭگە ماتەريالدىق زيان كەلتىرگەن, – دەدى سوتتا.
سوتتالۋشىنىڭ كىناسى ءوز جاۋاپتارىمەن, جابىرلەنۋشىلەردىڭ جاۋاپتارىمەن, زاتتاي دالەلدەمەلەرمەن, الۋ حاتتامالارىمەن, بەتتەستىرۋ حاتتامالارىمەن جانە باسقا دا ءىس بويىنشا جيناقتالعان دالەلدەمەلەردىڭ جيىنتىعىمەن تولىق دالەلدەنەدى.
پروكۋرور سوتتالۋشى ا.-عا باس بوستاندىعىنان ايىرۋ جازاسىن تاعايىنداۋدى سۇراعان. ال جابىرلەنۋشىلەر سوتتالۋشىعا زاڭعا ساي, قاتاڭ جازا تاعايىنداۋدى سۇرادى.
- سوتپەن, سوتتالۋشى كىناسىن ءىشىنارا مويىنداعانى, شىن نيەتپەن وكىنبەگەنى, 14 جابىرلەنۋشىلەردىڭ اسا ءىرى مولشەردەگى تالاپتارى جالپى 179 000 000 تەڭگەدەن اساتىن زالال سومماسى وندىرىلمەگەنى جانە جابىرلەنۋشىلەردىڭ كەشىرىم بەرمەگەنى, زاڭمەن كوزدەلگەن باس بوستاندىعىنان ايىرۋ, قاتاڭ جازا تاعايىنداۋ پىكىرلەرى ەسكەرىلدى.
سوت, ا.-عا قك-ءنىڭ 190-بابى 4-بولىگىنىڭ 2-تارماعىمەن 6 جىل 8 اي مەرزىمگە باس بوستاندىعىنان ايىرۋ جازاسىن تاعايىندادى, – دەدى سوتتا.
سوت ۇكىمى زاڭدى كۇشىنە ەنگەن جوق.
