قازاقستانعا تۇڭعىش رەت

اقش قارۋلى كۇشتەرى ءۇش ءتۇرىنىڭ جوعارى سەرجانتتىق قۇرامىنىڭ وكىلدەرى كەلدى استاناداعى ۇلتتىق قورعانىس ۋنيۆەرسيتەتىندە قازاقستان رەسپۋبليكاسى مەن امەريكا قۇراما شتاتتارى قارۋلى كۇش­تەرى جوعارى سەرجانتتىق قۇرامىنىڭ سيمپوزيۋمى باستالدى. ەكى ەلدىڭ وكىلدەرى وتكەن جىل­دار­داعى ەكىجاقتى اسكەري ىنتى­ماق­تاستىق سالاسىنداعى جەتىس­تىك­تەر مەن سەرجانتتار جۇيەسى­نىڭ دامۋ پەرسپەكتيۆالارىن  تال­قى­لايدى دەپ جوسپارلانۋدا. اتالعان سيم­پوزيۋمنىڭ ەرەكشەلىگى – قازاق­ستانعا تۇڭعىش رەت اقش قارۋ­لى كۇشتەرىنىڭ بىردەن ءۇش ءتۇرى­نىڭ جوعارى سەرجانتتىق قۇرا­مىنىڭ وكىلدەرى كەلۋىندە. ولار: كوماندالىق سەرجانت-مايور, اقش قك ورتالىق قولباسشىلىق قۇرلىق اسكەرلەرىنىڭ (ARCENT) باس سەرجانتى رونني كەللي, كوماندالىق شەبەر باس ستارشينا سكوتت فلەمينگ, اقش اتك (NAVCENT) 5-ءشى فلوتىنىڭ باس ستارشيناسى-كوماندالىق شەبەر-سەرجانت رەيمون كولون-لوپەس,  اقش ااك (AFCENT) قولباسشىلىعىنىڭ باس سەرجانتى. ولاردان باسقا, اقش قك قاتارداعى جاۋىنگەرلەر مەن سەرجانتتار قۇرامىن دايارلاۋ جۇيەسىن دامىتۋ سالاسىنداعى ساراپشىلار توبى كەلدى. ەكى ەلدىڭ ساراپشىلار توبى­نىڭ مىندەتى – بىرلەسە وتىرىپ كەلىسىمشارت بويىنشا اسكەري قىز­مەتكە كانديداتتاردى ىرىكتەۋ جانە دايارلاۋ سالاسىندا دۇنيەجۇزىلىك تاجىريبەنى زەرتتەۋ, وقۋ-جاتتىعۋ ورتا­لىقتارىندا جاس بۋىندى وقى­تۋ باعدارلاماسى, سونىمەن قا­تار, وقى­تۋ­دىڭ جاڭا ءادىسىن قول­دا­نا وتى­رىپ, سەرجانتتىق قۇ­رام­نىڭ بىلىك­تى­لىگىن ارتتىرۋ كۋرس­تارىن جاڭعىرتۋ. قازاقستان تاراپىنان سيمپو­زيۋمعا قارۋلى كۇشتەر باس شتابى سەرجانتتىق قۇراممەن جۇمىس جونىندەگى باسقارماسىنىڭ وكىلدەرى, قۇرلىق اسكەرلەرى, اسكەري-تەڭىز كۇشتەرى, اۋە قورعانىسى كۇشتەرى, اسكەري-اۋە كۇشتەرى, اۋە شابۋىلىنا قارسى قورعانىس اسكەرلەرى, اسكەري پوليتسيا باس باسقارماسى, قورعانىس مينيسترلىگى كادەت كور­پۋسىنىڭ وكىلدەرى جانە باسقا دا اسكەري قىزمەتشىلەر قاتىسۋدا. قازاقستان رەسپۋبليكاسى مەن امەريكا كۇراما شتاتتارى قارۋلى كۇشتەرى جوعارى سەرجانتتىق قۇ­رامىنىڭ سيمپوزيۋمى 30 قاڭتارعا دەيىن جالعاستى. «ەگەمەن-اقپارات».