26 قىركۇيەكتە ساعات 08:30-دا بالقاش اۋداندىق پوليتسيا ءبولىمىنىڭ قىزمەتكەرلەرى بىرلىك اۋىلىنىڭ ماڭىنداعى قوناەۆ-باقاناس-قاراوي تاسجولىندا ۋاز اۆتوكولىگىن تىزگىندەگەن جەتىسۋ وبلىسىنىڭ 58 جاستاعى تۇرعىنىن ۇستادى. كولىكتى تەكسەرۋ كەزىندە كولىك سالونىنان تىركەلگەن ويىق ۇڭعىلى جانە تەگىس ۇڭعىلى اڭشى مىلتىعى, بولجام بويىنشا قىزىل كىتاپقا ەنگەن قاراقۇيرىق جانۋارىنىڭ ۇشاسى تاركىلەندى.
كولىكتە ءۇش جولاۋشى بولعان. ولاردىڭ اڭ اۋلاۋعا ليتسەنزياسى بولماعان.
الماتى وبلىسىنىڭ پوليتسەيلەرى زاڭسىز اڭ اۋلاۋ دەرەگى بويىنشا قىلمىستىق ءىس قوزعادى. ۇستالعاندار زاڭ اياسىندا ۋاقىتشا ۇستاۋ يزولياتورىنا قامالدى.
قازىر قىلمىستىڭ بارلىق ءمان-جايىن انىقتاۋ ءۇشىن قوسىمشا تەرگەۋ جۇرگىزىلىپ جاتىر.
