ەشقانداي كەمشىلىك كورە المادىم
تاعىلىمى مول بولدى
ءنايلا نۇرباەۆا, «قازاقستان رەسپۋبليكاسىنداعى سايلاۋدى بايقاۋ جونىندەگى قوعامدىق كوميسسيا» رقب شىعىس قازاقستان وبلىستىق فيليالىنىڭ مۇشەسى. شىعىس وڭىرىندە قازاقستان رەسپۋبليكاسى پرەزيدەنت سايلاۋى جوعارى دەڭگەيدە ءوتتى دەپ ايتا الامىن. وعان قوعامدىق بايقاۋشى رەتىندە ءوزىمىز كۋا بولدىق. بارلىق سايلاۋ ۇدەرىسى ەلىمىزدىڭ زاڭناماسى اياسىندا ءجۇردى. سايلاۋ ۋچاسكەلەرىنىڭ ارقايسىسىندا قوعامدىق بايقاۋشىلار بولدى. ياعني, وبلىس كولەمىندە 1004 بايقاۋشى جۇمىس ىستەدى. ال وبلىس ورتالىعى – وسكەمەندە 115 بايقاۋشى سايلاۋ بارىسىن قاداعالادى. ولاردىڭ ىشىندە مۇعالىمدەر, زەينەتكەرلەر, جاستار دا بار. وسى سايلاۋدىڭ ەرەكشەلىگى, ەشقانداي زاڭ بۇزۋشىلىق تىركەلگەن جوق. سايلاۋشىلار ءوز ەرىكتەرىمەن ۋچاسكەلەرگە كەلىپ, داۋىستارىن بەردى. ءتىپتى, تۇسكە دەيىن كوپتەگەن ۋچاسكەلەردە داۋىس بەرۋدىڭ نەگىزگى بولىگى ورىندالىپ قويدى. سايلاۋ ۋچاسكەلەرى دە اتالعان ساياسي ماڭىزى جوعارى ناۋقانعا جان-جاقتى دايىندالعانى كورىنىپ تۇردى. بارلىق جەردە داۋىس بەرۋ بەلگىلەنگەن ۋاقىتىندا باستالدى. بۇل سايلاۋدان ءبىزدىڭ الار تاعىلىمىمىز مول بولدى. ەڭ باستىسى, ەلىمىزدىڭ ىشكى بىرلىگى بەكەم, بولاشاعىمىزعا ەشكىمنىڭ بەيجاي قارامايتىنىن بايقادىق. وسكەمەن.تاڭداۋ نەگىزى – سەنىم
گۇلنار ناسيموۆا,
ساياساتتانۋشى, قازاقستان ساياساتتانۋشىلار كونگرەسى الماتى قالاسىنداعى وكىلدىگىنىڭ جەتەكشىسى.
ساراپشىلار بولجاعانىنداي, 2015 جىلعا پرەزيدەنتتىك سايلاۋ سايلاۋشىلاردىڭ جوعارى بەلسەندىلىگىن كورسەتتى. بۇگىن ءبىز سايلاۋ ينستيتۋتى دەموكراتيالىق پروتسەدۋرانىڭ اسا ماڭىزدى قۇرامداسى رەتىندە بەكىگەنىن ناقتى ايتا الامىز. وسى جولعى سايلاۋ ناۋقانى قازاقستاندىقتاردىڭ تاۋەلسىزدىك جىلدارىندا اسا باي ەلەكتوراتتى تاجىريبە جيناقتاعانىن ايعاقتاپ بەردى. ءبىز ازاماتتارىمىزدىڭ جوعارى جاۋاپكەرشىلىگىن, ولاردىڭ جوعارى ەلەكتوراتتى مادەنيەتىن كوردىك.
جۇمىستىڭ وسك تاراپىنان, سونداي-اق, كانديداتتاردىڭ سايلاۋ شتابتارى تاراپىنان اسا جوعارى دەڭگەيدە ۇيىمداستىرىلعانىن اتاپ وتپەي بولمايدى. بۇل ۇدەرىستەردە حالىققا سايلاۋ بارىسى تۋرالى تولىققاندى اقپارات الۋعا ءمۇمكىندىك بەرگەن باق-تاردىڭ ەرەكشە ءرولىن دە اتاپ كورسەتكەن ءجون.
سايلاۋعا قاتىستى جوعارى بەلسەندىلىك قازاقستاندىقتاردىڭ ازاماتتىق بەيبىتشىلىك پەن ساياسي تۇراقتىلىقتى ساقتاۋ بويىنشا باعىتتى قولدايتىندىقتارىن ايعاقتاپ بەردى. بۇگىندە حالىق ءوزىنىڭ ساياسي تاڭداۋىنا ەلدە باستالعان رەفورمالاردىڭ تابىستىلىعى مەن ودان ارعى ساياسي دامۋ ۇدەرىستەرى تاۋەلدى ەكەنىن ايقىن سەزىنەدى.
بەلسەندىلىك – حالىقتىق قولداۋ كورىنىسى
يۋري بۋلۋكتاەۆ,
ساياساتتانۋشى.
داۋىس بەرۋ كۇنى باستى ءىس-قيمىل تانىتاتىن تۇلعا سايلاۋشى بولىپ تابىلاتىنى تۇسىنىكتى. جانە قازاقستان ەلەكتوراتى 26 ءساۋىر كۇنى ءوزىنىڭ جوعارى ساناتىن كورسەتىپ بەردى – سايلاۋ ۋچاسكەلەرىنە كەلۋ دەڭگەيى 90 پايىز توڭىرەگىندە بولدى. بۇل, تۇتاستاي العاندا, الەم بويىنشا مۇلدەم كەزدەسپەيتىن دەۋگە بولارلىقتاي دەڭگەي.
ءبىرىنشى كەزەكتە, جوعارى بەلسەندىلىك ءىس باسىنداعى جۇيە زاڭدىلىعىنىڭ ايعاعى بولىپ تابىلادى.
ەكىنشىدەن, ادامداردىڭ داۋىس بەرۋگە دەگەن قالاۋى قازاقستاندىقتاردىڭ سايلاۋعا حالىق بيلىگىنىڭ قاعيداتتارىن ايشىقتايتىن دەموكراتيالىق پروتسەدۋرا رەتىندەگى قىزىعۋشىلىعىنىڭ كورىنىسى دەگەنىمىز دە ءجون. سوندىقتان, وتانىمىزداعى سايلاۋلار ۇلتتىق مەرەكە رەتىندە ءوتىپ ءجۇر.
ۇشىنشىدەن, جوعارى بەلسەندىلىك ازاماتتاردىڭ مەملەكەت ىسىنە ءوزىنىڭ قاتىستىلىعىن سەزىنۋگە دەگەن ۇمتىلىسىنىڭ ايعاعى رەتىندە كورىنەدى.
بۇل – بولاشاق ۇرپاق الدىنداعى جاۋاپكەرشىلىك
ەرلان سايىروۆ,
ساياساتتانۋشى.
سايلاۋ تابىستى ءوتتى. سايلاۋ ۋچاسكەلەرىنە داۋىس بەرۋگە كەلگەندەر سانى بۇرىن-سوڭدى بولماعان دەڭگەيدى كورسەتتى. بۇل جولعى سايلاۋدىڭ تاعى ءبىر ەرەكشەلىگى – داۋىس بەرۋ كۇنىندەگى مەرەكەلىك سەزىمنىڭ سالتانات قۇرۋى بولدى. مۇنداي سەزىم بارلىق ەلدى مەكەندەردە, قالالاردا كورىنىس بەردى. ادامدار سايلاۋ ۋچاسكەلەرىنە وزدەرىنىڭ بولاشاق ۇرپاق الدىنداعى جاۋاپكەرشىلىگىن سەزىنە وتىرىپ قادام باستى.
سايلاۋ ۇدەرىسىن دايىنداۋ مەنەدجمەنتى بۇعان دەيىنگى سايلاۋ دودالارىمەن سالىستىرعاندا ەڭ تابىستىسى بولدى دەسەك, قاتەلەسپەيمىز. تابىستى ساياسي مەنەدجمەنتتىڭ ارقاسىندا وسى جولعى سايلاۋ دوداسىن وتكىزۋ ۇدەرىستەرىن جوعارى باعالاۋعا نەگىز بار. ويتكەنى, حالىقتىڭ سايلاۋ ۇدەرىسىنە قاتىسۋ مادەنيەتى, تۇتاستاي العاندا, قوعامدىق سانانىڭ جاڭا ساپاعا كوتەرىلگەنىن كورسەتىپ بەردى.
قورىتا ايتقاندا, سايلاۋ ەلدىڭ قوعامدىق-ساياسي جانە الەۋمەتتىك-ەكونوميكالىق ءومىرىندەگى تۇبەگەيلى جاڭعىرتۋلارعا دايىندىقتىڭ وزىندىك ءبىر ەمتيحانى سەكىلدى اسەر قالدىردى.
الماتى.
