زامانا تالاپتارىنا ساي سايلاۋ

كەشە تۇستەن كەيىن ورتالىق سايلاۋ كوميسسياسى عيماراتىنىڭ ءباسپاسوز ورتالىعىندا شانحاي ىنتىماقتاستىق ۇيىمىنان كەلگەن بايقاۋشىلار جۋرناليستەر الدىنا شىعىپ, پرەزيدەنتتىك سايلاۋ پروتسەسىندەگى وزدەرىنىڭ بايقاۋشىلىق قىزمەتتەرىنىڭ قورىتىندىسىن جاريالادى. بۇل حالىقارالىق ۇيىم­نان كەلگەن بايقاۋشىلار ميسسيا­سىنىڭ سانى 10 ادام ەكەن. سونىڭ ىشىندە بايقاۋشىلاردىڭ جەتەكشىسى بولىپ شىۇ باس حاتشىسى د.مەزەنتسەۆ كەلىپتى. ال ميسسيانىڭ مۇشەلەرى قاتارىندا شىۇ حاتشىلىعىنىڭ كەڭەس­شىسى ا.قىدىربەكوۆ, شىۇ حات­شىلىعىنىڭ اعا ساراپشىسى م.اسەيىنوۆ, شىۇ حاتشىلىعىنىڭ ءبىرىنشى كاتە­گورياداعى ساراپشىسى چجۋن حۋا, شىۇ باس حاتشىسىنىڭ كومەك­شىسى د.بۋلگاكوۆ, تاجىك­ستان وكىلى ا.حوليكوۆ, وزبەك­ستان وكىلى ت.مادۋماروۆ, رە­سەي فەدەراتسياسىنىڭ وكىلى س.كوس­­تەنكو, قىتاي وكىلى سۋن ليتسيۋن جانە قىرعىزستان وكىلى گ.جۋراباەۆا بولدى. وسى بايقاۋشىلاردىڭ ءبارى قول قويعان قورىتىندىنىڭ نەگىزگى مازمۇنى مىناداي: قا­زاقستانداعى ساياسي ءومىر مەن دەموكراتيالىق ۇدەرىستەردىڭ بەلسەندىلىگىن پرەزيدەنتتىك لاۋازىمعا اۋەلدە 27 ازاماتتىڭ ۇمىتكەر رەتىندە ۇمتىلعانىنان كورۋگە بولادى. سونىڭ ىشىندە 3 ادام كانديدات بولىپ تىركەلدى. ءبىزدىڭ بايقاۋشىلىق ميسسيامىز سايلاۋ ناۋقانىنىڭ بارىن­شا اشىق, قازاقستان كون­س­­تيتۋتسياسىنىڭ جانە باسقا دا زاڭنامالارىنىڭ تالاپتارىنا سايكەس جۇرگىزىلگەنىن انىقتادى. سايلاۋ پروتسەسى كەزىندە ءبىزدىڭ ميسسيامىز استانا, الماتى, قا­راعاندى, كوكشەتاۋ, تەمىرتاۋ, شىمكەنت قالالارى مەن اقمولا جانە وڭتۇستىك قازاقستان وب­لىستارىندا ورنالاسقان 53 ساي­لاۋ ۋچاسكەلەرىندە بولدى. ءبىزدىڭ ميسسيامىز قازاق­ستاندىقتاردىڭ داۋىس بەرۋگە بەلسەندىلىكپەن قاتىسقانىن ايتا الادى. ءبىز بولعان سايلاۋ ۋچاسكەلەرىنىڭ كەيبىرىندە «نۇر وتان» پارتياسى مەن قكحپ وكىلدەرى دە ءجۇردى. سونداي-اق, كانديداتتاردىڭ سەنىمدى وكىل­دەرى دە بايقاۋشىلىق قىزمەت اتقاردى. ءبىزدىڭ تاراپىمىزعا سايلاۋشىلاردان دا, وسى باي­قاۋشىلاردان دا ەشقانداي شا­عىم ايتىلعان جوق. ءبىز قا­زاق­ستانداعى پرەزيدەنتتىك سايلاۋ دەموكراتيانىڭ تالاپتارىنا سايكەس اشىق, ەركىن جانە ءمولدىر ءوتتى دەپ ايتا الامىز. سونىمەن قاتار, ءبىز ءوز جۇمى­سىمىزدى تياناقتى جانە ءتيىمدى جۇرگىزۋگە جاعداي جاساعان ورتا­لىق سايلاۋ كوميسسياسى مەن سىرت­قى ىستەر مينيسترلىگىنە العىس ءبىلدىرۋدى ءوزىمىزدىڭ مىندەتىمىز دەپ سانايمىز, دەلىنگەن قورىتىندى مالىمدەمەدە. جاقسىباي سامرات, «ەگەمەن قازاقستان».