پەتروپاۆل. 15 ماۋسىم. قر ۇلتتىق ۇلان پەتروپاۆل اسكەري ينستيتۋتى قابىرعاسىنان تۇلەكتەر بيىل 15-ءشى مارتە قانات قاعىپ, وفيتسەر اتاندى. ولاردىڭ قاتارىندا قىرعىزستان جانە تاجىكستان وكىلدەرى دە بار. بۇل تۋرالى ينستيتۋتتىڭ ءباسپاسوز قىزمەتى حابارلادى.
ەلىمىزدەگى ەڭسەلى جوعارى وقۋ ورنى 1997 جىلى قۇرىلىپ, 2009 جىلى «اسكەري ينستيتۋت» مارتەبەسى بەرىلدى. بىلتىردان بەرى ۇلتتىق ۇلان قاراماعىندا قىزمەت ەتىپ كەلەدى. وسى جىلدار بەدەرىندە 2730 جوعارى ءبىلىمدى اسكەري مامان كۇشتىك قۇرىلىمدارعا جولداما السا, ولاردىڭ 239-ى ۇزدىك ءتامامدادى. 41-ءنىڭ ەسىمى اسكەري ينستيتۋتتىڭ قۇرمەت تاقتاسىنا جازىلدى.
سالتاناتتى شاراعا وبلىس اكىمىنىڭ ورىنباسارى ۆلاديمير بۋبەنكو, قىرعىز رەسپۋبليكاسى ۇلتتىق گۆاردياسى قولباسشىسىنىڭ ورىنباسارى يسلامبەك كەنجەكۋلوۆ, تاجىك رەسپۋبليكاسى ءىىم-ءنىڭ باسقارما باسشىسى نەۆرۋز تۋراەۆ, ارداگەرلەر, جاستار, كۋرسانتتاردىڭ اتا-انالارى مەن تۋعان-تۋىستارى قاتىستى.
قر ۇلتتىق ۇلان قولباسشىسىنىڭ ورىنباسارى, گەنەرال-مايور البەرت ماتكارىموۆ وقۋ ورنىنىڭ باسشىسى جۇمابەك احمەتوۆكە اسكەري تۋدى تابىس ەتتى.
ديپلومدار تاپسىرۋ راسىمىنەن كەيىن جۇرتشىلىق كونتسەرتتىك جانە اسكەري ويىندار باعدارلامالارىن تاماشالادى.
ءومىر ەسقالي.
دەرەك, سۋرەت: پەتروپاۆل اسكەري ينسيتۋتى.
