فوتو: سەناتتىڭ ءباسپاسوز قىزمەتى
سەناتتىڭ ءباسپاسوز قىزمەتىنىڭ ءمالىم ەتۋىنشە, اتالعان كەزدەسۋلەردە عالياسقار سارىباەۆ بارلىق قاۋىپسىزدىك شارالارى ساقتالا وتىرىپ, قازاقستاندا اەس سالۋ جوباسىن ىسكە اسىرۋعا مۇمكىندىك بەرەتىن ايتارلىقتاي ەنەرگەتيكالىق الەۋەت پەن اۋقىمدى تابيعي رەسۋرستار بار ەكەنىن اتاپ ءوتتى.
«اتوم ەلەكتر ستانساسىنىڭ ىسكە قوسىلۋى ەكونوميكانىڭ وسۋىنە, ازاماتتاردىڭ الەۋمەتتىك ءال-اۋقاتىن جاقسارتۋعا, ەلەكتر ەنەرگياسىمەن تۇراقتى قامتاماسىز ەتۋگە جانە ەلىمىزگە ءىرى ينۆەستيتسيا تارتۋعا ماڭىزدى قادام بولماق. وسىنداي ستراتەگيالىق ماسەلە بويىنشا رەفەرەندۋم وتكىزۋ «حالىق ۇنىنە قۇلاق اساتىن مەملەكەت» تۇجىرىمداماسىنىڭ تيىمدىلىگىن جانە ءاربىر ازامات داۋىسىنىڭ ماڭىزىن كورسەتەدى», دەدى سەناتور.
كەزدەسۋلەر بارىسىندا ءىس-شاراعا قاتىسۋشىلار اتوم ەنەرگەتيكاسىنىڭ دامۋى جانە وڭىردەگى ەكولوگيالىق جانە ەكونوميكالىق جاعدايعا اسەرى تۋرالى سۇراقتار قويىپ, پىكىرلەرىن ءبولىستى.
