شەتەلدەردەگى قازاقستاندىقتار دا قالىس قالعان جوق

26 ساۋىردە قازاقستان رەسپۋبليكاسىنىڭ ۆەناداعى ەلشىلىگىندە كەزەكتەن تىس پرەزيدەنتتىك سايلاۋ وتكىزۋ ءۇشىن №190 سايلاۋ ۋچاسكەسى اشىلدى. سايلاۋعا اۆستريادا تۇرعىلىقتى تۇراتىن جانە كونسۋلدىق ەسەپكە تىركەلگەن, سونداي-اق, وسىندا ۋاقىتشا كەلگەن قازاقستان ازاماتتارى قاتىستى. ەلشىلىك عيماراتىندا ازامات­تاردىڭ ەركىن داۋىس بەرۋىنە بار­لىق جاعداي جاسالدى. قر وسك نۇسقاۋلىعىنا سايكەس, كانديداتتار تۋرالى اقپاراتتىق ستەندتەر, جاشىكتەر مەن داۋىس بەرۋ كابينالارى ورناتىلدى. ەلشىلىك قىزمەتكەرلەرىنىڭ كۇشىمەن ءوز كونستيتۋتسيالىق قۇقىعىن ۆەنا قالاسىنا كەلىپ ورىنداي الماعان وتانداستارعا ءتيىستى ستاندارتتار مەن ەرەجەلەر شەڭبەرىندە جىلجىمالى جاشىك ارقىلى گراتس قالاسىندا داۋىس بەرۋ ۇيىمداستىرىلدى. سايلاۋعا اۆستريادا تۇرعىلىقتى جانە ۋاقىتشا تۇرىپ جاتقان قازاق­ستان ازاماتتارى, سونىڭ ىشىندە حالىقارالىق ۇيىمداردىڭ قىزمەت­كەرلەرى, قازاقستاندىق ديپلوماتتار مەن ولاردىڭ وتباسى مۇشەلەرى, بيزنەس جانە ستۋدەنتتىك قاۋىمداستىقتىڭ وكىلدەرى قاتىستى. * * * 26 ساۋىردە قازاقستان رەسپۋب­ليكاسىنىڭ اراب مىسىر رەسپۋبلي­كاسىندا اشىلعان №201 سايلاۋ ۋچاسكەسىندە قازاقستان رەسپۋبلي­كاسىنىڭ پرەزيدەنتتىك سايلاۋى ءوتتى. قازاقستان ازاماتتارى, اسىرەسە, ستۋدەنتتەر مىسىرلىق جوعارى وقۋ ورىندارىندا ءوتىپ جاتقان ەمتي­حاندارعا قاراماستان, سايلاۋ ۋچاس­كەلەرىنە كەلىپ, ازاماتتىق بورىشتارىن ورىن­داۋعا اسىقتى. جەكسەنبى جۇمىس كۇنى بولعانىمەن, سايلاۋعا مىسىردا تۇراقتى نەمەسە ۋاقىتشا تۇرىپ جاتقان بارلىق ازاماتتارىمىز قاتىستى. سايلاۋ ۇدەرىسى ەش زاڭ بۇزۋشىلىقسىز قالىپتى جاعدايدا ءوتتى. كاير قالاسىنا كەلە الماعان ازاماتتار ءۇشىن الەكساندريا قالاسىنا كوشپەلى كوميسسيا ۇيىمداستىرىلدى. ال №201 سايلاۋ ۋچاسكەسىنىڭ جۇمىسى كاير ۋاقىتىمەن ساعات 20:00-دە اياقتالدى, سايلاۋ ناتيجەلەرى ورتالىق سايلاۋ كوميسسياسىنا جىبەرىلدى.   * * * استانادا تاڭ اتا باستاعاندا ۆارشاۆاداعى قازاقستان ەلشىلىگىندە قازاقستان پرەزيدەنتىن سايلاۋ اياقتالدى. پولشاداعى قازاق­ستان­دىق ازاماتتار سايلاۋعا بەلسەندى قاتىستى. ەلدىڭ جوعارى وقۋ ورىندارىندا ءبىلىم الىپ جاتقان قازاقستاندىق جاستاردىڭ وتانشىلدىعىن اتاپ وتكەن ءجون. قازاقستان ەلشىلىگى جانىندا قۇرىلعان سايلاۋ ۋچاسكەسىنە تەك ۆارشاۆادان عانا ەمەس, لودز, پوزنان جانە ليۋبلين سەكىلدى باسقا قالالاردان دا ستۋدەنتتەر كەلىپ سايلاۋعا قاتىستى. قازاقستاننىڭ پولشاداعى ەلشىسى ە.وتەمباەۆ ەلشىلىكتە قازاقستاندىق جاستارمەن كەزدەستى. پولشادا وتكەن الەم چەمپيوناتىندا جەڭىسكە جەتىپ, ءناتي­جەسىندە 2016 جىلى ماسكەۋ مەن سانكت-پەتەربۋرگتە وتەتىن جوعارى ديۆيزيون ويىندارىنا  قاتىساتىن قازاقستان حوككەي قۇراما كومانداسىنىڭ مۇشەلەرى دە داۋىس بەردى. ەلشى ە.وتەم­باەۆ قازاقستان حوككەيشىلەرىن جەڭىستەرىمەن قۇت­تىقتادى جانە سايلاۋعا بەلسەندى قاتىسقاندارىن اتاپ ءوتىپ, سپورت­شىلارعا حالىقارالىق الاڭداردا مول تابىس تىلەدى. * * * 26 ساۋىردە جەرگىلىكتى ساعات 07:00-دەن باستاپ قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا وراي وڭتۇستىك امەريكا ايماعىندا تاريحتا العاش رەت قازاقستان رەسپۋب­ليكاسىنىڭ برازيليا فەدەراتيۆتىك رەسپۋبليكاسىنداعى ەلشىلىگىنىڭ عيماراتىندا ورنالاسقان №247 سايلاۋ ۋچاسكەسى جۇمىس ىستەدى. برازيليادا جانە باسقا دا لاتىن امەريكاسى مەملەكەتتەرىندە تۇراتىن قازاقستان ازاماتتارى فەدەرالدىق ايماق, برازيليا قالاسىنا كەزەكتەن تىس سايلاۋعا قاتىسىپ, داۋىس بەرۋگە شاقىرىلدى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى.