اسسامبلەيا قۇتتىقتادى

كەشە استانا قالاسىنداعى تاۋەلسىزدىك سارايىندا 2015 جىلعى 26 ساۋىردەگى پرەزيدەنتتىك سايلاۋدا مەملەكەت باسشىسى بولىپ قايتا سايلانعان ەلباسى ن.ءا.نازارباەۆتىڭ جەڭىسىنە ارنالعان قازاقستان حالقى اسسامبلەياسىنىڭ سالتاناتتى جيىنى ءوتتى. جيىنعا قحا مۇشەلەرى, قحا كەڭەسى, پارلامەنت دەپۋتاتتارى, رەسپۋبليكالىق ەتنومادەني بىرلەستىكتەردىڭ جەتەكشىلەرى, قحا عىلىمي-ساراپتامالىق كەڭەسىنىڭ مۇشەلەرى, باق وكىلدەرى قاتىستى. سالتاناتتى جيىندى قازاقستان حالقى اسسامبلەياسى توراعاسىنىڭ ورىنباسارى ەرالى توعجانوۆ اشىپ بەردى. ول ءوز سوزىندە: «قازاقستان حالقى تاريحي تاڭداۋ جاسادى جانە ەل دامۋىنىڭ ەڭ كۇردەلi كەزەڭدەرiنەن مەملەكەتتi سەنiمدi تۇردە الىپ شىققان ءوزiنiڭ ەلباسىنا داۋىس بەردi», – دەدى. سودان سوڭ, توراعانىڭ ورىنباسارى و.دىموۆ, ر.حالمۋرادوۆ, ا.احمەتوۆ, ت.ب. ءسوز سويلەپ, سايلاۋدا ەرەكشە بەلسەندىلىك تانىتقان ازاماتتارعا وزدەرىنىڭ جۇرەكجاردى اقجارما تىلەكتەرىن ايتتى. شاراعا قاتىسۋشىلار كەشەگى وتكەن سايلاۋ قازاقستان حالقىنىڭ بiرلiگi مەن ىنتىماعىن, ولاردىڭ الداعى كۇنگە دەگەن نىق سەنىمدىلىگىن كورسەتكەنىن جىر قىلىپ ايتىپ وتىردى. ايتپاعاندا شە, داۋىس بەرۋشiلەر سانى ەل تاريحىندا بۇرىن-سوڭدى بولماعان رەكوردتىق كورسەتكiشكە جەتىپ جاتسا؟! – قازاقستان حالقى كەلەشەك الدىنداعى جاۋاپكەرشiلiگiن سەزiنە جانە حالىق پەن ەلدiڭ بيiك مۇددەسiن ەسكەرە وتىرىپ, ازاماتتىق جانە پاتريوتتىق پارىزىن ورىنداۋ ماقساتىندا تاڭداۋ جاسادى. بۇل تاڭداۋ حالىقتىڭ كوشباسشىسى – ەلباسى نۇرسۇلتان ءابiش ۇلى نازارباەۆتىڭ جەڭiسiنە اينالدى! بۇل – قازاقستان حالقىنىڭ جەڭiسi! – دەگەن اسسامبلەيا توراعاسىنىڭ ورىنباسارى ە.توعجانوۆ بۇل سوزدەردى ەرەكشە تولقىنىسپەن جەتكىزدى. سونداي-اق, شارا بارىسىندا 40-تان استام كەڭەس مۇشەلەرى مەن حالىق قالاۋلىلارىنا جانە ەتنومادەني بىرلەستىكتەردىڭ جەتەكشىلەرىنە قحا-نىڭ 20 جىلدىق مەرەيتويىنا وراي, مەرەكەلىك مەدالدار تاپسىرىلدى. ەستەرىڭىزدە بولسا, 2015 جىلدىڭ 14 اقپانىندا وتكەن قازاقستان حالقى اسسامبلەياسى كەڭەسى وتىرىسىنىڭ قورىتىندىسىندا كەزەكتەن تىس پرەزيدەنتتىك سايلاۋ وتكىزۋ تۋرالى باس­تاما كوتەرىلگەن بولاتىن. راۋشان تاۋىرحانقىزى,  جۋرناليست.