قازاقستان حالقى اسسامبلەياسىنىڭ قازاقستان رەسپۋبليكاسىنىڭ پرەزيدەنتى, ەلباسى ن.ءا.نازارباەۆتى 2015 جىلعى پرەزيدەنت سايلاۋىنداعى جەڭىسىمەن قۇتتىقتاۋى

قۇرمەتتى نۇرسۇلتان ءابىش ۇلى! قازاقستان حالقى اسسامبلەياسى ءسىزدى جانە ءسىز ارقىلى – بارشا قازاقستان حال­قىن – 2015 جىلعى پرەزيدەنتتىك سايلاۋ­داعى ايقىن جەڭىسىڭىزبەن قۇتتىقتايدى. اسسامبلەيانىڭ وسى سايلاۋدى وتكىزۋ جونىندەگى باستاماسى حالىق ەركىنىڭ ايشىقتى كورىنىسىنە اينالدى, قازاقستان حالقىنىڭ تۇراقتىلىققا, جارقىن كەلەشەككە دەگەن ۇمتىلىسىن, ءسىزدىڭ الەۋ­مەتتىك-ەكونوميكالىق پروگرەس­كە, تۇراقتى دامۋعا, قوعامدىق كەلىسىم مەن ەل بىرلىگىنە باعىتتالعان سالماقتى ساياساتىڭىزدىڭ ءارى قاراي جالعاسۋىنا دەگەن نيەتىن پاش ەتتى. ءسىزدىڭ «نۇرلى جول» جاڭا ەكونو­ميكالىق ساياساتىڭىز, قازاقستاننىڭ بارلىق ازاماتتارى ءۇشىن قازىرگى زامان­عى مەملەكەت قۇرۋعا باعىتتالعان بەس ينستي­تۋتتىق رەفورماڭىز, «ماڭگى­لىك ەل» جالپىۇلتتىق يدەياڭىز, قازاق­ستاننىڭ دامۋىنىڭ ستراتەگيالىق باسىمدىق­تارىنىڭ ەكونوميكالىق, الەۋمەتتىك, دۇنيەتانىمدىق نەگىزىن قالىپتاستىرىپ ونى ىسكە اسىرۋدىڭ ساياسي تەتىكتەرىن قامتاماسىز ەتۋدى قاجەت ەتكەن بولاتىن. ءسىزدىڭ باستى حالىقارالىق ۇيىمدار مەن الەمدىك دەڭگەيدەگى كوشباسشىلار, سونداي-اق ميلليونداعان قاراپايىم ادامدار تاراپىنان قولداۋعا يە حا­لىقارالىق بەدەلىڭىز ەلىمىزدىڭ حالىق­ارالىق قوعامداستىققا ءساتتى ينتە­گرا­تسيالانۋىنىڭ شارتى جانە قازاقستاننىڭ قاۋىپسىز دامۋىنىڭ كەپىلى بولىپ تابىلادى. وراسان ەكونوميكالىق جەتىستىكتەر, حالىقتىڭ ءال-اۋقاتىنىڭ ارتۋى, تۇراق­تىلىق, ەرتەڭگى كۇنگە دەگەن سەنىم بار­لىعى دا ەل ىشىندە ءسىزدىڭ اتىڭىزبەن باي­لانىستى. ءسىزدىڭ سايلاۋداعى سالتاناتتى جەڭى­سىڭىز قازاقستان حالقىنىڭ ءسىزدىڭ باس­شىلىعىڭىزبەن ەكونوميكالىق, الەۋمەتتىك دامۋدىڭ جاڭا بەلەستەرىن باعىندىرۋ نيەتىن بىلدىرەدى. قازاقستان حالقى تاريحي تاڭداۋ جا­سادى جانە ەل دامۋىنىڭ ەڭ كۇردەلى كە­زەڭ­دەرى­نەن مەملەكەتتى سەنىمدى تۇردە الىپ شىق­قان ءوزىنىڭ ەلباسىنا داۋىس بەردى. ءبىز ءسىزدىڭ ساياسي كوشباسشىلىعىڭىز بۇگىنگى كۇنى قالىپتاسقان عالامدىق احۋال­­دان جانە مەملەكەت دامۋى مەن قازاق­ستان حالقىنىڭ قالاۋىنان تۋىندايتىن مىندەتتەردىڭ وبەكتيۆتى بالاماسىز شەشىمى دەپ مالىمدەيمىز. سايلاۋ ناتيجەلەرى ءسىزدىڭ تولىق, تالاسسىز بەدەلىڭىزدى كورسەتتى. نۇرسۇلتان ءابىش ۇلى ءسىز بارشا حالىقتىڭ جوعارى سەنىم مانداتىنا يەسىز. وسى سايلاۋدا ەلىمىزدە ازاماتتاردىڭ بۇرىن-سوڭدى بولماعان ساياسي بەلسەندىلىگى تىركەلدى. بۇل ەل ازاماتتارىنىڭ ساي­لاۋدىڭ اشىق, ءادىل, ترانسپارەنتتى جانە حالىقارالىق ستاندارتتارعا, ەلىمىزدىڭ زاڭ­نا­ماسىنا تولىق سايكەس وتۋىنە ىنتاسى جانە قولداۋى دەپ بىلەمىز. ءبىز وسى سايلاۋ ەل تاريحىندا سەنىم, اشىق­تىق, بارلىق ساياسي كۇشتەردىڭ ءوزارا قۇر­مەتى اتموسفەراسىندا وتكەن سايلاۋ ناۋقانىنىڭ جارقىن وڭ تاجىريبەسى رەتىندە قالاتىنىنا سەنىمدىمىز. ەلەكتوراتتى پروتسەسكە ءسىزدىڭ سەنىمدى وكىلىڭىز رەتىندە; سايلاۋ شتابىنىڭ  مۇشەسى رەتىندە; سايلاۋ ناۋقانىن ەلگە تاراتقان جۋرناليستىك توپ قۇرامىندا; ساراپشى جانە قاراپايىم داۋىس بەرۋشى رەتىندە قاتىسقان قازاقستان حالقى اسسام­بلەياسىنىڭ مۇشەلەرى سايلاۋدىڭ جوعارى ۇيىمداستىرۋشىلىق دەڭگەيى تۋرالى, بارلىق سايلاۋ كوميسسيالارىنىڭ جۇمىسى تۋرالى, حالىقارالىق باقى­لاۋ­شىلارمەن كونسترۋكتيۆتى ارىپتەستىك تۋرالى جاپپاي مالىمدەۋدە. ءسىزدىڭ باستاماڭىزبەن جاريالانعان قازاقستان حالقى اسسامبلەياسىنىڭ جىلىن وتكىزۋ, وسى جىل اياسىندا ۇيىمداس­تىرىلعان اسسامبلەيانىڭ – «بەيبىتشىلىك پەن كەلىسىمنىڭ جول كارتاسى», «20 ىزگى ءىس», «مەنىڭ قازاقستانىم» پويىزى رەس­پۋب­­ليكالىق اكتسيالارى سايلاۋ ناۋقا­نىن ۇيىمداستىرۋدىڭ ۇتىمدى تۇس­تارى­نا اينالدى. ميلليونداعان ازامات اسسام­بلەيانىڭ ازاماتتىق بەيبىتشىلىك پەن قوعام­دىق كەلىسىمدى نىعايتۋ, الەۋ­مەت­تىك ىنتى­ماق­تاستىق جانە ەل بىرلىگى ءجو­نىن­دەگى جۇمى­سىنا تىكەلەي ۇلەس قوستى. قازاقستان حالقى اسسامبلەياسىنىڭ ءححىى سەسسياسى سايلاۋ پروتسەسىنىڭ جوعارى نۇكتەسىنە اينالدى, قازاقستاندىق پاتريو­تيزم­نىڭ, ەل بىرلىگىنىڭ, تولەرانت­تىلىق پەن ءبىزدىڭ حالقىمىزدىڭ اشىق­تىعىنىڭ ۇزدىك ۇلگىلەرىن جانە ەڭ باس­تىسى ءسىزدىڭ ساياسا­تىڭىز­دىڭ سالتانات قۇرۋىن جانە حالىق­تىڭ ەلباسىنا دەگەن شەكسىز سەنىمىن پاش ەتتى. وتكەن سايلاۋ قازاقستان حالقى­نىڭ بىرلىگىن جانە تۇتاستىعىن, ازامات­تارى­مىز­دىڭ ءوز تاعدىرىن دەربەس شەشۋگە دەگەن ىن­تاسىن كورسەتتى. داۋىس بەرۋشىلەر سانى ەل تاريحىندا بۇرىن بولماعان رەكوردتىق كورسەتكىشكە يە بولدى! قازاقستان حالقى كەلەشەك الدىنداعى جاۋاپكەرشىلىگىن سەزىنە وتىرىپ, حالىق پەن ەلدىڭ بيىك مۇددەسىن ەسكەرە وتىرىپ, ازاماتتىق جانە پاتريوتتىق پارىزىن ورىنداۋ ماقساتىندا تاڭداۋ جاسادى. بۇل تاڭداۋ حالىقتىڭ كوشباسشىسى – ەلباسى, قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازار­باەۆتىڭ جەڭىسىنە اينالدى! بۇل قازاقستان حالقىنىڭ جەڭىسى! ەلىمىزدىڭ ءاربىر ازاماتىنىڭ جەڭىسى! ءبىز ءسىزدىڭ باسشىلىعىڭىزبەن مەملەكەت پەن قازاقستان حالقى بارلىق العا قوي­عان ماق­ساتتارىنا قول جەتكىزىپ, گۇلدەن­گەن ەلگە اينالاتىنىنا تولىق سەنىمدىمىز! استانا قالاسى,  2015 ج. 27 ءساۋىر.