فوتو اشىق دەرەككوز
وسكەمەن قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان سوتىندا قر اقبتك-ءنىڭ 669-بابىنىڭ 1-بولىگى (سوت شەشiمiن نەمەسە وزگە دە سوت اكتiسiن جانە اتقارۋشىلىق قۇجاتتى ورىنداماۋ) بويىنشا ازامات ە.-گە قاتىستى اكىمشىلىك قۇقىقبۇزۋشىلىق تۋرالى ءىسى قارالدى.
ءىس ماتەريالدارىنان انىقتالعانى, قاراعاندى وبلىسىنىڭ اۋداندىق سوتىنىڭ 2019 جىلعى 16 شىلدەدەگى سوت بۇيرىعىنا سايكەس ازامات ە. بۇرىنعى جۇبايى ە.-ءنىڭ پايداسىنا 2023 جىلى كامەلەتكە تولماعان بالاسى كامەلەتكە تولعانعا دەيىن اي سايىن تابىسىنىڭ بارلىق تۇرىنەن تورتتەن ءبىر مولشەرىندە اليمەنت ءوندىرىلدى.
سوت بۇيرىعى ورىندالماي وتىر, اليمەنت بويىنشا بەرەشەك 3 116 729 تەڭگەنى قۇرادى.
قۇقىقبۇزۋشىلىق جاساعان كىناسى سوت بۇيرىعىنىڭ كوشىرمەسىمەن, جەكە سوت ورىنداۋشىنىڭ اتقارۋشىلىق ءىس جۇرگىزۋىمەن, ازامات ە.-ءنىڭ بەرگەن تۇسىنىكتەمەسىمەن دالەلىن تاپتى.
سوت وتىرىسىندا ازامات ە. كىناسىن مويىندادى.
سوت بۇيرىعى ۇزاق ۋاقىت بويى ورىندالماۋىن نازارعا الىپ, سوت 2 تاۋلىككە قاماۋعا الۋ تۇرىندە جازا تاعايىندادى. قاۋلى زاڭدى كۇشىنە ەنگەن جوق.
