فوتو اشىق دەرەككوز
وڭىرلىك پوليتسيا دەپارتامەنتىنىڭ ءباسپاسوز قىزمەتى اتالعان وقىس وقيعا 20 قىركۇيەكتە بەينەۋ اۋدانىندا تۇستەن كەيىن بولعانىن ءمالىم ەتتى.
«بيلىك وكىلىنە قاتىستى قاتەر ءتوندىرۋ نەمەسە زورلىق-زومبىلىق فاكتىسى بويىنشا سوتقا دەيىنگى تەرگەۋ شارالارى قولعا الىندى. ەر ادام ۇستالىپ, ۋاقىتشا ۇستاۋ يزولياتورىنا قامالدى. ول ماس بولىپ, زاڭسىز ارەكەتتەردىڭ جولىن كەسۋ كەزىندە پوليتسەيلەرگە قارسىلىق تانىتقان», دەلىنگەن حابارلامادا.
Lada.kz-ءتىڭ حابارلاۋىنشا, جەدەل جاردەم قىزمەتكەرلەرى دوسى باسىنا اينەك سۇعىپ العانىن ايتىپ, قوڭىراۋ شالعان 40 جاستاعى ايەلدىڭ جاعدايى بويىنشا شاقىرتۋ ورنىنا اتتانعان. دارىگەرلەر وقيعا ورنىنا جەتكەندە ەر ادام جەدەل جاردەم كولىگىنىڭ اينەگىن سىندىرىپ, فەلدشەرلەرگە دە تاپ بەرگەن.
