سۋرەت: ru.freepik.com
ىسكە اسىرىلىپ جاتقان كەلەشەگى زور جوبا قاتارىندا كەربۇلاق اۋدانىنداعى مەتاللۋرگيا كومبيناتى, «قورعاس – شىعىس قاقپاسى» ارنايى ەكونوميكالىق ايماعىنداعى (اەا) «قازاقستان-قىتاي حالىقارالىق ونەركاسىپ قالاسى» يندۋستريالدى پاركى, جوڭعار قاقپاسى اۋماعىنداعى قۋاتى 1 گۆت بولاتىن جەل ەلەكتر ستانساسى سياقتى ءىرى جوبالار بار.
ءبىرىنشى جارتىجىلدىق قورىتىندىسى بويىنشا, جەتىسۋ وبلىسى مەن قحر اراسىنداعى تاۋار اينالىمى 1,2 ملرد دوللاردى قۇراعان. وبلىستىڭ سىرتقى تاۋار اينالىمىنداعى كورشى ەلدىڭ ۇلەسى 80%-دان اسادى.
ء«وڭىردىڭ ترانزيتتىك الەۋەتى – ارىپتەستىك قاتىناستارىمىزدىڭ بولاشاعى زور باعىتىنىڭ ءبىرى. قىتايمەن شەكارادا بەس كەدەن بەكەتى ورنالاسقان ەلىمىزدەگى بىردەن ءبىر ءوڭىرمىز. بىزدە ەكونوميكالىق ەكى ءوسۋ نۇكتەسى بار – بۇل دوستىق جانە قورعاس باعىتتارى», دەيدى وبلىس اكىمى ب.يساباەۆ.
دوستىق باعىتىن دامىتۋ ماقساتىندا الماتى قالاسىنان «دوستىق» ستانساسىنا دەيىنگى اۆتوموبيل جولىنا جاڭارتۋ جۇرگىزىلدى. سونداي-اق بيىل وسى ستانسادا «الاكول» اۆتوموبيل وتكىزۋ پۋنكتىن كەڭەيتۋ اياقتالادى. سونىڭ ناتيجەسىندە, جولاقتار سانى قوسىلىپ, وتكىزۋ قابىلەتى تاۋلىگىنە 200-دەن 1 600-گە دەيىن ارتادى. «دوستىق-مويىنتى» تەمىرجول جەلىسىنىڭ ەكىنشى تارماعىنىڭ قۇرىلىسى ءجۇرىپ جاتىر, بۇل «دوستىق» ستانساسىنىڭ وتكىزۋ قابىلەتىن بىرنەشە ەسە ارتتىرۋعا مۇمكىندىك بەرەدى.
ءوز كەزەگىندە سۋن حۋنمەي جەتىسۋعا كەلگەن ەكىنشى ساپارى ەكەنىن اتاپ ءوتىپ, سۋار مەن جەتىسۋ وبلىسى اراسىنداعى ىنتىماقتاستىقتى ودان ءارى كەڭەيتۋدىڭ نەگىزگى باعىتتارىنا توقتالدى. بۇل ورايدا ول «نۇر جولى» اۆتوموبيل وتكىزۋ پۋنكتىنىڭ ينفراقۇرىلىمىن دامىتۋ ماسەلەلەرى تۋرالى ءسوز قوزعادى.
وڭىردە شەكارا ماڭىنداعى اۆتوموبيل جانە تەمىرجول وتكىزۋ پۋنكتتەرىنىڭ ءتيىمدى جۇمىسى ءۇشىن ءتيىستى شارالار قابىلدانىپ جاتقانىن اتاپ وتكەن بەيبىت يساباەۆ بىرلەسكەن فيتو-ۆەتەرينارلىق زەرتحانا قۇرۋدىڭ ماڭىزدىلىعىن ەسكە سالدى. مۇنداي زەرتحانا ءوڭىردىڭ اۋىل شارۋاشىلىعى ونىمدەرىن ەكسپورتتاۋ راسىمدەرىن جەڭىلدەتۋگە مۇمكىندىك بەرەدى.
تاراپتار شەكارا ماڭى پۋنكتتەرىنىڭ وتكىزۋ قابىلەتىن ارتتىرۋ مەن ينفراقۇرىلىمىن جاقسارتۋ, «جاسىل» ەنەرگەتيكا, تۋريستىك جانە مادەني-گۋمانيتارلىق باعىتتار سالاسىنداعى ەكىجاقتى بايلانىستاردى دامىتۋ, سونداي-اق اتالعان سالالارعا ينۆەستيتسيا تارتۋ, ساۋدا-ەكونوميكالىق ىنتىماقتاستىقتىڭ كەڭ اۋقىمدى ماسەلەلەرىن تالقىلادى. كەزدەسۋ سوڭىندا قاتىسۋشىلار «قورعاس» حشىو قىزمەتىن ۇيلەستىرۋدىڭ بىرلەسكەن تەتىكتەرىن قۇرۋ جونىندە قاراشا ايىندا ءبىرىنشى وتىرىستى وتكىزۋگە ۋاعدالاستى.
جەتىسۋ وبلىسى
