سۋرەت: gov.kz
جيىنعا عىلىم قورىنىڭ توراعاسى كاميل اقاتوۆ, توراعانىڭ ورىنباسارى ءاليا سەمباەۆا, DFG حالىقارالىق بايلانىستار ءبولىمىنىڭ باسشىسى يورگ شنايدەر, DFG-نىڭ شىعىس ەۋروپا جانە ورتالىق ازيا جونىندەگى مامانى ەليزا برەككەفەلت, DFG-نىڭ ينجەنەرلىك عىلىمدار جونىندەگى باعدارلامالىق ديرەكتورى كوزيما شۋستەر, سونداي-اق CASIB الماتىداعى كەڭسەسىنىڭ باسشىسى پيتەر ليبەلت قاتىستى.
عىلىم قورى مەن نەمىس زەرتتەۋ قورى وكىلدەرىنىڭ اتالعان كەزدەسۋدە جاڭا عىلىمي-يننوۆاتسيالىق كوللابوراتسيالاردى قۇرۋ پەرسپەكتيۆالارىن جانە قازاقستاندىق عالىمداردى بىرلەسكەن عىلىمي جوبالارعا تارتۋ باعدارلاماسىن جۇزەگە اسىرۋ باستاماسى جونىندەگى وي-پىكىرلەرىن ورتاعا سالدى. وسىعان قوسا وتاندىق عالىمدارعا قاتىستى تەحنولوگيالاردى كوممەرتسيالاندىرۋ سالاسىنداعى مۇمكىندىكتەر, سونداي-اق نەمىس ارىپتەستەرىمەن ىنتىماقتاستىقتىڭ جاڭا نىساندارى تالقىلاندى.
DFG ورتالىق ازيادا ىسكە اسىرىلاتىن «قولدانبالى عىلىمدار ۋنيۆەرسيتەتتەرىندەگى زەرتتەۋلەرگە ارنالعان جەلى» (UDIF-HAW) باستاماسىن ۇسىندى. بۇل باعدارلاما قولدانبالى عىلىم ۋنيۆەرسيتەتتەرى مەن ءوڭىردىڭ عىلىمي ينستيتۋتتارى اراسىنداعى حالىقارالىق ىنتىماقتاستىقتى كۇشەيتۋگە باعىتتالعان.
عىلىم قورىنىڭ حابارلاۋىنشا, نەمىس زەرتتەۋ قورىنىڭ وكىلدەرى عىلىمي ىنتىماقتاستىق قۇرالدارىن پايدالانۋ تاجىريبەسىن ءبولىسىپ, اتالعان قورى تاراپىنان ورتالىق ازيا مەن وتاندىق عالىمدارعا قولجەتىمدى قارجىلاندىرۋ مۇمكىندىگى ۇسىنىلدى. DFG جىل سايىن بۇكىل الەمدە, ونىڭ ىشىندە ورتالىق ازيا ەلدەرىندە شامامەن 30 000 عىلىمي جوبانى قارجىلاندىرادى. قوردىڭ جىلدىق بيۋدجەتى 4 ميلليارد ەۆرودان اسادى. عىلىم قورى «Horizon Europe» باعدارلاماسى اياسىندا گەرمانيانىڭ زەرتتەۋ ۇيىمدارىمەن بەلسەندى بايلانىس ورناتىپ وتىر, بۇل قازاقستاندىق عالىمداردىڭ حالىقارالىق جوبالارعا قاتىسۋىنا قوسىمشا مۇمكىندىكتەر اشادى.
