فوتو: قر قورعانىس مينيسترلىگى
وسى ۋاقىتقا دەيىن اسكەري قىزمەتشىلەردىڭ جىلجىمايتىن م ۇلىك قۇقىعىن يەلەنۋ ءۇشىن ءوتىنىش بەرۋدەن باستاپ تىركەۋگە دەيىنگى مەرزىمى ەكى جىلعا دەيىن سوزىلعان بولسا, ەلەكتروندىق سەرۆيس ەنگىزىلگەننەن كەيىن بۇكىل پروتسەسس ەكى ايدان اسپايتىن ۋاقىتتا ىسكە اسىرىلادى. سەرۆيس «E-qazyna» تسيفرلىق پلاتفورماسىندا ورنالاسقان. ونى ازىرلەۋشى قر قارجى مينيسترلىگىنىڭ «اقپاراتتىق-ەسەپكە الۋ ورتالىعى» اق.
ەندى اسكەري قىزمەتشىلەر انىقتامالار جيناپ, ءارتۇرلى ۆەدومستۆولاردىڭ تابالدىرىعىن توزدىرماي, بارلىق ءىس-ارەكەتتى تەك پلاتفورما ارقىلى جۇزەگە اسىرادى. كوپتەگەن انىقتامالار مەن تەكسەرۋلەر مەملەكەتتىك دەرەكتەر بازاسىمەن ينتەگراتسيالاۋ ارقىلى جۇيەلىك فورماتتى-لوگيكالىق باقىلاۋعا اۋىستىرىلادى.
قورعانىس مينيسترلىگىنىڭ مالىمدەۋىنشە بۇگىندە تۇرعىن ءۇيىن جەكەشەلەندىرۋگە 3,5 مىڭ اسكەري قىزمەتشى ءوتىنىش بەرگەن. جەكەشەلەندىرۋ قۇقىعىن 10 جىلدان استام قىزمەتتىك تۇرعىن ۇيدە تۇراتىندار پايدالانا الادى, بۇل رەتتە ءوتىنىش بەرۋشى جەكەشەلەندىرۋ كەزىندە قالدىق قۇنىن ەنگىزۋى ءتيىس. قىزمەتتىك تۇرعىن ۇيدە 20 جىلدان استام تۇراتىندار وتەۋسىز جەكەشەلەندىرۋگە قۇقىلى, ياعني ولار مەملەكەتتەن پاتەردى تەگىن الا الادى.
قاناتقاقتى جوبا 19 قىركۇيەكتە باستالىپ, 2025 جىلدىڭ باسىنا دەيىن جالعاسادى.
