ايقىن جەڭىسىمەن قۇتتىقتادى

مەملەكەت باسشىسى نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسى پرەزيدەنتى بولىپ سايلانۋىنا بايلانىستى رەسەي فەدەراتسياسىنىڭ پرەزيدەنتى ۆلاديمير پۋتيننەن قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. ۆلاديمير پۋتين نۇرسۇلتان نازارباەۆتى پرەزيدەنتتىك سايلاۋ­دا ايقىن جەڭىسكە جەتۋىنە باي­لانىستى شىن جۇرەكتەن قۇتتىق­تايتىنىن جەتكىزگەن. – داۋىس بەرۋ قورىتىندىسى ءسىزدىڭ وتانداستارىڭىز الدىنداعى بيىك بەدەلىڭىزدى تولىعىمەن قۋات­تايدى. قازاقستان ازاماتتارى ءوز تاڭداۋلارى ارقىلى ءسىزدىڭ ەلدى الەۋمەتتىك-ەكونوميكالىق تۇرعى­دان جەدەلدەتىپ دامىتۋ, ەۋرا­زيالىق ىقپالداستىق ۇدەرىستەرگە بەلسەنە قاتىسۋ جانە رەسەيمەن سترا­تەگيالىق ءارى وداقتاستىق سەرىك­تەستىك قاتىناستاردى نىعايتۋ ءجو­نىندەگى باعدارىڭىزعا كەڭىنەن قولداۋىن كورسەتتى, – دەلىنگەن جەدەلحاتتا. رەسەي فەدەراتسياسىنىڭ پرە­زي­دەنتى سەنىمدى ديالوگ پەن ەكىجاقتى بايلانىستاردىڭ اۋقى­مىن ودان ءارى ورىستەتۋ جونىندەگى ءبىر­لەسكەن جۇ­مىستى, سونداي-اق ەۋ­را­زيالىق ەكو­نو­ميكالىق وداق پەن وزگە دە حالىق­ارالىق قۇرىلىم­دار اياسىن­داعى سىندارلى ىقپالداس­تىقتى جالعاستىرۋعا دايىن ەكەن­دىگىن اتاپ كورسەتتى. – بۇل رەسەي مەن قازاقستاننىڭ باۋىرلاس حالىقتارىنىڭ تۇپكى ءمۇد­دەلەرىنە ساي كەلەتىنىنە, ءبىزدىڭ قۇرلىقتاعى بەيبىتشىلىكتى, تۇراق­تىلىق پەن قاۋىپسىزدىكتى قامتا­ماسىز ەتۋ جونىندەگى باعىتپەن ۇندە­سەتىنىنە سەنىمدىمىن, – دەلىنگەن قۇتتىقتاۋدا. سوڭىندا ۆلاديمير پۋتين نۇرسۇلتان نازارباەۆقا مىقتى دەنساۋلىق, سارقىلماس قۋات جانە مەملەكەت باسشىلىعىنداعى اسا جاۋاپتى قىزمەتىنە جاڭا تابىستار تىلەدى. مەملەكەت باسشىسى نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسى پرەزيدەنتى بولىپ سايلانۋىنا بايلانىستى وزبەكستان رەسپۋبليكاسىنىڭ پرەزيدەنتى يسلام كاريموۆتان قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. يسلام كاريموۆ نۇرسۇلتان نا­زارباەۆتى پرەزيدەنتتىك سايلاۋ­داعى جەڭىسىمەن قۇتتىقتادى. – وتكەن سايلاۋداعى ءسىزدىڭ ايقىن جەڭىسىڭىز حالىقتىڭ جو­عارى سەنىمىنىڭ جانە ءوزىڭىزدىڭ كورە­گەن باسشىلىعىڭىزبەن جۇرگىزىل­گەن, قازاقستان حالقىنىڭ باقۋات­تىلىعىنا, سونداي-اق ەلدىڭ حالىق­ارالىق ارەناداعى ءرولى مەن بەدەلىن ارتتىرۋعا باعىتتالعان قوعامدىق-ساياسي, الەۋمەتتىك-ەكونوميكالىق تەرەڭ رەفورمالاردى قولداۋىنىڭ ايشىقتى ايعاعى بولدى, – دەلىنگەن جەدەلحاتتا. وزبەكستان پرەزيدەنتى سان عاسىر­لىق ءداستۇرلى دوستىققا, تاتۋ كورشى­لەستىككە جانە ءوزارا قۇرمەتكە  نەگىز­دەلگەن جان-جاقتى دامۋ مەن ەكى­جاقتى قارىم-قاتىناستىڭ نىعايۋى بۇدان ءارى دە ەكى ەل حالقى­نىڭ مۇددەسىنە, وڭىردەگى بەيبىت­شىلىك پەن تۇراقتىلىقتىڭ ساقتا­لۋىنا قىزمەت ەتە بەرەتىنىنە سەنىم بىلدىرگەن. – وسى مۇمكىندىكتى پايدالانا وتىرىپ, سىزگە مىقتى دەنساۋلىق, سارقىلماس كۇش-جىگەر جانە مەم­لەكەتتىك قىزمەتىڭىزگە جاڭا تابىس, ال باۋىرلاس قازاقستان حالقىنا يگىلىك پەن باق-بەرەكە تىلەيمىن, – دەلىنگەن قۇتتىقتاۋدا. يسلام كاريموۆ, سونداي-اق, نۇرسۇلتان نازارباەۆتى قازاقستان رەسپۋبليكاسى پرەزيدەنتىنىڭ سايلاۋىنداعى جەڭىسىمەن كەيىنىرەك تەلەفون ارقىلى سويلەسۋ كەزىندە دە قۇتتىقتادى. بۇدان بولەك, مەملەكەت باسشىلارى ەكىجاقتى ىنتىماقتاستىقتىڭ وزەكتى ماسەلەلەرىن جانە وزبەكستان پرەزيدەنتىنىڭ ەلىمىزگە 2014 جىلعى قاراشادا كەلگەن رەسمي ساپارى كەزىندە قول جەتكىزىلگەن ۋاعدالاستىقتاردىڭ ورىندالۋ بارىسىن تالقىلادى. تەلەفون ارقىلى سويلەسۋگە وزبەك تاراپى باستاماشى بولدى. مەملەكەت باسشىسى نۇرسۇلتان نازارباەۆتىڭ اتىنا ونىڭ قازاقستان رەسپۋبليكاسى پرەزيدەنتى بولىپ سايلانۋىنا بايلانىستى تاجىكستان رەسپۋبليكاسىنىڭ پرەزيدەنتى ەمومالي راحموننان قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. ەمومالي راحمون نۇرسۇلتان نازارباەۆتى پرەزيدەنتتىك ساي­لاۋداعى جەڭىسىمەن شىن جۇرەكتەن قۇتتىقتايتىنىن جەتكىزگەن. – ءوزىنىڭ ەرىك-قالاۋى ارقىلى قازاقستان حالقى ەلدى وركەندەتۋگە, ونىڭ حالىقارالىق ارەناداعى بەدەلىن ۇزدىكسىز ارتتىرۋعا جانە حال­قىنىڭ باقۋاتتىلىعىنا باعىت­تالعان ءسىزدىڭ جاسامپاز ساياسا­تىڭىزدى كەڭىنەن جانە ءشۇباسىز تۇردە قولدايتىنىن بۇكىل الەمگە پاش ەتتى. بۇل جولدا جەتكەن جەتىس­تىك­تەر ءسىزدىڭ ەسىمىڭىزبەن تىكەلەي باي­­لا­نىستى, – دەلىنگەن جەدەلحاتتا. تاجىكستان پرەزيدەنتى, سون­داي-اق, ءوزارا ءتيىمدى ەكىجاقتى قارىم-قاتىناستىڭ دامۋىن اتاپ وتكەن. – ءسىز الدا دا ەلدەرىمىز بەن حالىقتارىمىز اراسىنداعى ءوزارا ىقپالداستىقتىڭ اياسى كەڭەيە, تەرەڭدەي تۇسۋىنە سەپتىگىڭىزدى تيگىزە بەرەتىنىڭىزگە سەنىمدىمىن. ءوز تاراپىمىزدان ءبىز ەكى مەملەكەت اراسىنداعى دوستىق قارىم-قاتىناستىڭ نىعايۋى ءۇشىن قاجەتتى نارسەنىڭ بارلىعىن جاسايتىن بولامىز, – دەلىنگەن جەدەلحاتتا. سوڭىندا ەمومالي راحمون مەملەكەت باسشىسىنا مىق­تى دەنساۋلىق, ۇزاق ءومىر, قازاق­ستان­نىڭ دامۋى جولىندا تىڭ تابىستار مەن جاڭا جەتىستىكتەر تىلەدى.