فوتو: Fotolia/Mr Korn Flakes.
پاۆلودار وبلىسىنىڭ ءبىلىم باسقارماسى بولعان وقيعاعا قاتىستى تۇسىنىكتەمە بەردى.
«18 قىركۇيەكتە پاۆلودار قالاسىنداعى كوللەدجدىڭ 2007 جىلى تۋعان ستۋدەنتى پاۆلوۆا كوشەسىندەگى ءۇيدىڭ اۋلاسىندا مۇعالىمگە پىشاق جاراقاتىن سالىپ كەتكەن. مۇعالىمگە مەديتسينالىق كومەك كورسەتىلدى, قازىرگى ۋاقىتتا ونىڭ جاعدايى قاناعاتتانارلىق», دەپ حابارلادى وبلىستىق ءبىلىم باسقارماسى.
كوللەدج باسشىلىعى توتەنشە جاعدايعا بەكىتىلگەن الگوريتم بويىنشا ارەكەت ەتكەنىن اتاپ وتكەن.
«اتالعان فاكتى بويىنشا تەرگەۋ امالدارى باستالدى. ستۋدەنت ۇستالدى. ءبىلىم باسقارماسى ءبىلىم بەرۋ ۇيىمدارىنىڭ باسشىلارىمەن قاۋىپسىزدىكتى قامتاماسىز ەتۋ ماسەلەلەرى بويىنشا كەڭەس وتكىزدى», دەپ تولىقتىردى ۆەدومستۆودان.
