فوتو hcbarys.kz
ەكاتەرينبۋرگ حوككەيشىلەرىمەن وتكەن ويىندا قازاقستاندىق كوماندا جىلدامدىق تانىتتى. ويىننىڭ 27 سەكۋندىندا ەلوردالىق حوككەيشى كيريلل ساۆيتسكي العاشقى گولىن سوقتى.
ەكىنشى اينالىمدا رەسەيلىكتەر دە قاپى قالماي, نيكي مەركلي ەسەپتى تەڭەستىردى. 1:1 ەسەبىمەن اياقتالعان نەگىزگى كەزەڭنەن كەيىن ويىن وۆەرتايمعا ۇلاستى. وۆەرتايمدا مايكل ماكلاۋد وتاندىق ويىنشىلاردىڭ پايداسىنا ەكىنشى گولدى سالدى. وسىلايشا «بارىس» كومانداسى قارسىلاسىن 2:1 ەسەبىمەن ۇتىپ, جەڭىسكە جەتتى.
ەندى وتاندىق كوماندا ەكى ويىندى سىرت ايدىندا وينايدى. 19 قىركۇيەكتە «اك بارس» (قازان), 21 قىركۇيەكتە «ۆيتياز» (پودولسك) كوماندالارىمەن كەزدەسەدى.
