باسىلىم مالىمەتىنشە, ءىس ماتەريالدارى بويىنشا, وسى جىلدىڭ 12 ماۋسىمىندا اقتاۋ ماڭىنداعى وندىرىستىك ايماقتىڭ اۆتوتۇراعىندا دانەكەرلەۋشى قوقىستى ورتەپ جىبەرگەن. ءورت «Lamber» ماركالى توڭازىتقىشقا, «Mercedes-Benz Actros» اۆتوكولىگىنە, «Schmitz SKO 24mi» توڭازىتقىشىنا, «Schmitz SKO 24L» توڭازىتقىشىنا, «KC 45717A-1» ماركالى كرانعا جانە اۆتوكولىك بولشەكتەرى بار كونتەينەرگە زاقىم كەلتىردى. ماتەريالدىق شىعىن 29 ميلليون تەڭگەنى قۇرادى.
پروكۋرور ەر ادامدى كىنالى دەپ تانۋدى جانە وعان ءبىر جىلعا باس بوستاندىعىن شەكتەۋ جازاسىن تاعايىنداۋدى سۇرادى. جابىرلەنۋشىلەر سوتتالۋشىدان كەلتىرىلگەن ماتەريالدىق زالالدى ءوندىرىپ الۋدى سۇرادى, ال جازا تاعايىنداۋ ماسەلەسى سوتتىڭ قاراۋىنا قالدىرىلدى.
سوتتالۋشى مەن ونىڭ قورعاۋشىسى باس بوستاندىعىنان ايىرۋعا بايلانىستى ەمەس جازا تاعايىنداۋدى سۇرادى.
ەر ادامنىڭ كىناسى ونىڭ ايعاقتارىمەن, جابىرلەنۋشىلەردىڭ ايعاقتارىمەن, سوت ساراپتاماسىنىڭ قورىتىندىسىمەن جانە قىلمىستىق ءىستىڭ باسقا ماتەريالدارىمەن راستالدى.
جازا تاعايىنداۋ كەزىندە كىنالىنىڭ زەينەتكەرلىك جاسى, بۇرىن سوتتالماعاندىعى, كىناسىن مويىنداۋى جانە شىن جۇرەكتەن وكىنۋى ەسكەرىلدى. ول جاساعان قىلمىستىق قۇقىق بۇزۋشىلىق اۋىرلىعى تومەن ساناتقا جاتادى جانە ابايسىزدا جاسالعان.
سوت ۇكىمىمەن ەر ادام قر قك 204-بابىنىڭ 2-بولىگى (بوتەننىڭ مۇلكىن ابايسىزدا جويۋ نەمەسە ءبۇلدىرۋ) بويىنشا كىنالى دەپ تانىلدى. وسى باپتىڭ سانكتسياسى 2000 اەك-كە دەيىنگى مولشەردە ايىپپۇل تۇرىندەگى جازانى نە سول مولشەردە تۇزەۋ جۇمىستارىن نە 600 ساعاتقا دەيىنگى مەرزىمگە قوعامدىق جۇمىستارعا تارتۋدى نە ەكى جىلعا دەيىنگى مەرزىمگە باس بوستاندىعىن شەكتەۋدى نە سول مەرزىمگە باس بوستاندىعىنان ايىرۋدى كوزدەيدى.
وعان ءبىر جىلعا باس بوستاندىعىن شەكتەۋ جازاسى تاعايىندالدى.
جابىرلەنۋشىلەردىڭ تالاپ ارىزدارى تولىق كولەمدە قاناعاتتاندىرىلدى.
سوت ۇكىمى ءالى زاڭدى كۇشىنە ەنگەن جوق.
