فوتو:Azattyq Ruhy / ابىلقاسىم ەسەنتاەۆ
پروكۋراتۋرانىڭ حابارلاۋىنشا, ينۆەستيتسيالىق جوبالاردى زاڭدى تۇردە قارجىلاندىرامىز دەگەن جەلەۋمەن سوتتالۋشى 73 سالىمشىنىڭ قاراجاتىن زاڭسىز يەمدەنىپ, جوعارى تابىسقا ۋادە بەرگەن. ناتيجەسىندە جابىرلەنۋشىلەر جالپى سوماسى 143 ميلليون تەڭگەدەن استام ماتەريالدىق شىعىنعا ۇشىراعان.
«ودان ءارى سوتتالۋشى «سۆوي DOM.kz» جانە «Pater Hause» تۇرعىن ءۇي-قۇرىلىس كووپەراتيۆىنەن جالپى سوماسى 161 ميلليون تەڭگەدەن استام قاراجاتتى ۇرلاعانى انىقتالدى», دەپ حابارلادى پروكۋراتۋرانىڭ ءباسپاسوز قىزمەتى.
مەملەكەتتىك ايىپتاۋشى تاراپى سوتتالۋشىنىڭ قارجىلىق پيراميدانى قۇرۋعا جانە باسقارۋعا, سونداي-اق قاراجاتتى ۇرلاۋعا قاتىستىلىعىن دالەلدەگەن.
سوت سوتتالۋشىنى كىنالى دەپ تانىپ, قارجى ۇيىمدارىندا باسشى لاۋازىمداردى اتقارۋ جانە 10 جىل مەرزىمگە قارجى ۇيىمىنىڭ مۇشەسى بولۋ قۇقىعىنان ايىرا وتىرىپ, قىلمىستىق قۇقىق بۇزۋشىلىقتاردىڭ جيىنتىعى بويىنشا 7 جىلعا باس بوستاندىعىنان ايىرعان.
سونىمەن قاتار سوت ۇكىمىمەن تىيىم سالىنعان جىلجىمايتىن جانە جىلجىمالى م ۇلىك, اتاپ ايتقاندا جەر تەلىمى مەن اۆتوكولىك كەلتىرىلگەن شىعىندى وتەۋگە جىبەرىلگەن.
سوت ۇكىمى زاڭدى كۇشىنە ەنگەن جوق.
