«زامان جاڭا ويىن ەرەجەلەرىن تالاپ ەتەدى. تۇتىنۋشىلار قۇقىعىن قورعاۋ تۋرالى قازىرگى زاڭى ۋاقىت تالابىنا ساي كەلمەيدى. جاڭا زاڭ جوباسى – فورمالدى وزگەرىستەر جيىنتىعى ەمەس, ءادىل جانە اشىق تۇتىنۋشىلار ورتاسىن قالىپتاستىرۋعا باعىتتالعان كەشەندى شارالار جۇيەسى», دەيدى مينيستر.
جاڭا زاڭ اياسىندا مىناداي وزگەرىستەر بولۋى مۇمكىن:
- بيۋروكراتيانىڭ ازايۋى: ءوز قۇقىعىڭىزدى قورعاۋ پروتسەدۋراسى قاراپايىم جانە جىلدام بولادى. كوپتەگەن ينستانتسيانىڭ ورنىنا تۇتىنۋشى سوتقا دەيىنگى ساتىدا جانە سوتتا ەكى ينستانتسياعا عانا جۇگىنە الادى.
- ءتيىمدى قورعاۋ: تۇتىنۋشىلار قۇقىعىن قورعاۋ جونىندەگى ومبۋدسمەن ينستيتۋتى ەنگىزىلىپ, قوعامدىق ۇيىمدار ازاماتتاردىڭ مۇددەسىن قورعاۋ ءۇشىن كەڭىرەك وكىلەتتىلىككە يە بولادى.
- بيزنەستىڭ جاۋاپكەرشىلىگى: تۇتىنۋشىلاردىڭ قۇقىعىن بۇزعان كومپانيالار قارجىلىق سانكتسيالارعا دەيىن اۋىر جاۋاپكەرشىلىككە تارتىلادى.
- ونلاين ساتىپ الۋ كەزىندە قورعاۋ كۇشەيتىلدى: جاڭا نورمالار تۇتىنۋشىلاردى ەلەكتروندىق ساۋداداعى الدانىپ قالۋدان قورعايدى.
سونىمەن قاتار زاڭ جوباسىندا مەديتسينالىق بۇيىمدار مەن ۇيالى بايلانىس ابونەنتتىك قۇرىلعىلارىن قايتارۋعا بولمايتىن تاۋارلار تىزىمىنەن شىعارۋ, اۋە بيلەتىن ساتىپ الۋ جانە تۋريستىك قىزمەت كورسەتۋ تۋرالى شارتتار بويىنشا 100% قايتارماۋدى الىپ تاستاۋ ۇسىنىلادى.
2021 جىلى تۇتىنۋشىلار قۇقىقتارىن قورعاۋ كوميتەتىنە تۇتىنۋشىلاردان 25 مىڭ, 2022 جىلى 30 مىڭ, ال 2023 جىلى 51 مىڭ شاعىم كەلىپ تۇسكەن.
