فوتو: ۆيدەودان الىنعان كادر
جەلىدە تاراعان ۆيدەوعا زەر سالساق, مەكەمە قىزمەتكەرى بالالار جاتقان بولمەگە كىرىپ, ءسابيدى ەدەنگە لاقتىرعانىن كورۋگە بولادى. كەيىن سول جەردە وتىرعان بالانى قولىنان ۇستاپ تۇرعىزباق بولادى, بىراق بالانىڭ وعان كونبەيتىنىن كورىپ, ونى اياعىنان ۇستاپ, سۇيرەپ اكەتكەن. سول ساتتە ولاردىڭ جانىندا تاعى ءبىر بالا بولعان. تاربيەشى ونى بەتىنەن ۇرىپ, توسەككە قاراي يتەرىپ جىبەرگەن.
قالالىق پوليتسيا دەپارتامەنتى وقيعا بويىنشا قىلمىستىق ءىس قوزعالعانىن حابارلادى.
سونىمەن قاتار قالالىق ءبىلىم باسقارماسى ۆيدەوداعى تاربيەشى جۇمىستان شىعارىلعانىن حابارلادى.
«قازىرگى ۋاقىتتا سوت-مەديتسينالىق ساراپتاما تاعايىندالدى. وسى فاكت بويىنشا تەرگەۋ جۇرگىزىلىپ جاتىر. وقيعا وقۋ-اعارتۋ مينيسترلىگىنە قاراستى بالالاردىڭ قۇقىقتارىن قورعاۋ كوميتەتىنىڭ باقىلاۋىنا الىندى», دەلىنگەن حابارلامادا.
