فوتو:ماڭعىستاۋ وبلىسى اكىمدىگى
جاڭا قۇرىلعان تەرگەۋ توبى زەرتحانالىق ساراپتامانىڭ ناتيجەسى بويىنشا ناقتى شارالار قابىلدايتىنى حابارلاندى.
«اسحانادان الىنعان اس سىنامالارىنىڭ قورىتىندىسى ءالى دايىن ەمەس. ماڭعىستاۋ وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ ەرەجەسىنە سايكەس ەرتەڭ, 10 قىركۇيەكتە زەرتحانالىق سىنامالاردىڭ قورىتىندىسى شىعارىلادى», دەپ حابارلادى وبلىس اكىمدىگىنىڭ ءباسپاسوز قىزمەتى.
ايتا كەتەيىك, 6 قىركۇيەك كۇنى مۇنايلى اۋدانىنداعى 8-مەكتەپتە بولعان جاعداي بويىنشا اۋداندىق پب-ءنىڭ سدتبت-نە قر قك-ءنىڭ 304-بابى 1-بولىگىمەن №244750031000356 قىلمىستىق ءىس تىركەلىپ, سوتقا دەيىنگى تەرگەپ-تەكسەرۋ جۇمىستارى باستالدى.
«بۇگىنگى تاڭدا 460 بالا دارىگەرگە جۇگىنگەن, ونىڭ 377-ءسى ءۇي جاعدايىندا باقىلاۋعا جىبەرىلدى. 83 بالا وبلىستىق بالالار جۇقپالى اۋرۋلار اۋرۋحاناسىنا جاتقىزىلدى. ال جانساقتاۋ بولىمىندە جاتقان ەكى بالا بۇگىن جالپى پالاتاعا اۋىستىرىلدى. جاعداي تۇراقتى. وقۋشىلاردىڭ دەنساۋلىعى جاقسارىپ كەلەدى. ال باقىلاۋدا بولعان باسقا وقۋشىلار بۇگىن مەكتەپكە بارا باستادى», دەپ ناقتىلادى اكىمدىك وكىلدەرى.
