فوتولار: Polisia.kz
ءىس-شاراعا ازەربايجان, قازاقستان, قىرعىزستان, تۇركيا, وزبەكستان ەلدەرىنىڭ ىشكى ىستەر مينيسترلىكتەرىنىڭ وكىلدەرى قاتىستى. قازاقستان دەلەگاتسياسىن ىشكى ىستەر ءمينيسترى ەرجان سادەنوۆ باسقاردى.
جيىن الدىندا قىرعىز رەسپۋبليكاسىنىڭ پرەزيدەنتى سادىر جاپاروۆ دەلەگاتسيا باسشىلارىمەن كەزدەسىپ, قازىرگى زامانعى سىن-قاتەرلەرگە ءتيىمدى قارسى تۇرۋ ءۇشىن قۇقىق قورعاۋ ورگاندارىنىڭ ىنتىماقتاستىعىن نىعايتۋدىڭ ماڭىزىن اتاپ ءوتتى.
وتىرىستا ۇيىمعا مۇشە مەملەكەتتەردىڭ ىشكى ىستەر مينيسترلىكتەرىنىڭ بىرلەسكەن جۇمىسىنىڭ نەگىزگى ماسەلەلەرى تالقىلاندى. قىلمىسكەرلەردى ىزدەۋ, ەكسترەميزمگە, ەسىرتكى قىلمىسىنا, زاڭسىز كوشى-قون مەن كيبەرقىلمىسقا قارسى كۇرەس سياقتى نەگىزگى باعىتتار بويىنشا ىنتىماقتاستىقتىڭ تيىمدىلىگىن ارتتىرۋعا ەرەكشە نازار اۋدارىلدى.
جيىن سوڭىندا بىرلەسكەن دەكلاراتسياعا قول قويىلدى.
كەزدەسۋدە سىندارلى ديالوگ قۇرىلىپ, ماڭىزدى شەشىمدەر قابىلداندى. سونداي-اق ءىس-شارا اياسىندا قازاقستان ىشكى ىستەر ءمينيسترىنىڭ ازەربايجان جانە تۇركيا رەسپۋبليكاسى ءىىم باسشىلارىمەن ەكىجاقتى كەزدەسۋلەرى ءوتتى, وندا ۆەدومستۆوارالىق ءوزارا ءىس-قيمىلدىڭ پەرسپەكتيۆالارى ايقىندالدى.
