پەتروپاۆل. 27 ءساۋىر. پەتروپاۆلدا قازاقستان رەسپۋبليكاسى پرەزيدەنتى سايلاۋىن قولداۋعا ارنالعان اۆتوشەرۋ ءوتتى. ونى «4ح4» اۆتوكلۋبىنىڭ باسشىسى الەكساندر گرادۆول اۆتوسۇيەر قاۋىمنىڭ جانە ۇكىمەتتىك ەمەس ۇيىمداردىڭ قولداۋىمەن ۇيىمداستىردى. بۇل تۋرالى egemen.kz حابارلادى.
اۆتوشەرۋگە قازاقستان رەسپۋبليكاسى مەملەكەتتىك تۋى جانە «ماڭگىلىك ەل» تۋىمەن بەزەندىرىلگەن 35 اۆتوكولىك قاتىستى. جاستار «ءبىز دە وتانىمىزدىڭ پاتريوتى رەتىندە سايلاۋعا ءوز ۇلەسىمىزدى قوسقىمىز كەلدى», – دەپ ۇرانداتتى. «بيپەك-اۆتو» جانە «ۆيۆاگا-لادا» كومپانيالارىنىڭ سۋ جاڭا كولىكتەرىنەن, سونداي-اق, موتوتسيكليستەردەن قۇرالعان تىزبەك «سولتۇستىك شۇعىلاسى» ساياباعىنان باستالىپ, بارلىق كوشەلەرمەن ءجۇرىپ ءوتتى. سونداي-اق, پەستروە كولى جاعالاۋىنداعى تاۋەلسىزدىك الاڭىنا دا ايالدادى.
قالانىڭ ونەرپازدار ۇيىرمەلەرى «ءبىز سايلاۋدا داۋىس بەرە وتىرىپ, بەلسەندى ازاماتتىق كوزقاراسىمىزدى بىلدىردىك» دەگەن ۇرانمەن كوپشىلىكتىڭ نازارىنا شوۋ-باعدارلاما ۇسىندى.
ءومىر ەسقالي.
دەرەك, سۋرەت: egemen.kz.
