سۋرەت: اشىق دەرەككوزدەن
پرەزيدەنت سوڭعى بەس جىلدا ەلىمىزدە اۋقىمدى رەفورما جاسالعانىن, ەلىمىزدىڭ ساياسي جۇيەسى تۇبەگەيلى وزگەرگەنىن ايتتى. جولداۋدا نەگىزگى باسىمدىق اقشا-نەسيە ساياساتى مەن فيسكالدى ساياساتتىڭ اراسىنداعى سايكەسسىزدىكتى جويۋ, ينۆەستيتسيالىق احۋال, بيزنەس جۇرگىزۋگە قاجەتتى جاعداي جاساۋ, ەلىمىزدىڭ ونەركاسىپ الەۋەتىن تولىق پايدالانۋ, ينفراقۇرىلىمعا قاتىستى وزەكتى ماسەلەلەردى شەشۋ, ەلىمىزدىڭ كادرلىق الەۋەتىن بىرتىندەپ جاقسارتۋ, ۇلت ساۋلىعىن نىعايتۋ ءۇشىن كەشەندى شارالاردى قولعا الۋ, ەكولوگيالىق اقۋالدى جاقسارتۋ, مەملەكەتتىك باسقارۋ ءىسىنىڭ تيىمدىلىگىن بارىنشا ارتتىرۋ, قوعامدا زاڭ مەن ءتارتىپ يدەولوگياسىن تەرەڭ ورنىقتىرۋ سەكىلدى ەل تاعدىرى ءۇشىن ماڭىزدى ماسەلەلەرگە بەرىلدى.
سونىمەن بىرگە پرەزيدەنت اسكەر قاتارىنداعى زاڭ مەن ءتارتىپتىڭ ساقتالۋىنا دا نازار اۋداردى. «اسكەر قاتارىندا زاڭ مەن ءتارتىپتىڭ ساقتالۋى ايرىقشا ماڭىزدى مىندەت. جاستار اسكەرگە وان الدىنداعى بورىشىن وتەۋگە بارادى. جاس ساربازدارىمىز ءوز مىندەتىن الاڭسىز ورىنداۋى ءۇشىن اسكەر قاتارىندا ەڭ الدىمەن, تەمىردەي ءتارتىپ بولۋى ءتيىس. قارۋلى كۇشتەر, باسقا دا كۇشتىك قۇرلىمدار وسى تالاپتى مۇلتىكسىز ورىنداۋى قاجەت. ءار اتا-انا اسكەرگە كەتكەن بالاسىن مەملەكەتكە سەنىپ تاپسىرادى. سوندىقتان ساربازدىڭ دەنساۋلىعى مەن قاۋىپسىزدىگىنە, ەڭ الدىمەن, ارميا باسشىلىعى جانە قۇقىق قورعاۋ مەكەمەلەرىنىڭ باسشىلىعى جاۋاپتى», دەدى مەملەكەت باسشىسى.
وسى ورايدا ۇلتتىق ۇلان اسكەرلەرىنىڭ الدىندا زور مىندەت تۇر. ەڭ باستىسى – مەملەكەت قاۋىپسىزدىگىن قامتاماسىز ەتۋ, ازاماتتاردىڭ كونستيتۋتسيالىق قۇقىعىن قورعاۋ, قالا كوشەلەرىندەگى زاڭ مەن ءتارتىپتى ساقتاۋ جولىندا جاۋىنگەرلىك ازىرلىكتى ودان ءارى كۇشەيتە ءتۇسۋىمىز قاجەت. ول ءۇشىن ۇلتتىق ۇلان اسكەرلەرىنىڭ ءار اسكەري قىزمەتشىسى ءوزىنىڭ جەكە جاۋاپكەرشىلىگىن ارتتىرىپ, كاسىبي شەبەرلىگىن پىسىقتاپ, اسكەري ومىردە زاڭ مەن ءتارتىپتى قاتاڭ ساقتاۋدى ەستەن شىعارماۋى كەرەك.
بەكايدار قازكەەۆ,
ۇلتتىق ۇلاننىڭ «باتىس» وڭىرلىك قولباسشىسى, گەنەرال-مايور
