پۋتين نۇرسۇلتان نازارباەۆتى سايلاۋداعى جەڭىسىمەن قۇتتىقتادى

استانا. 27 ءساۋىر. رەسەي پرەزيدەنتى ۆلاديمير پۋتين نۇرسۇلتان نازارباەۆتى قازاقستان پرەزيدەنتى سايلاۋىنداعى جەڭىسىمەن قۇتتىقتاپ, جەدەلحات جولدادى. بۇل تۋرالى كرەملدىڭ ءباسپاسوز قىزمەتىنە سىلتەمە جاساپ, «قازاقپارات» حابارلادى. ۆلاديمير پۋتين ءوز قۇتتىقتاۋىندا داۋىس بەرۋ قورىتىندىسى قازاقستان ازاماتتارى اراسىنداعى نۇرسۇلتان نازارباەۆتىڭ جوعارى بەدەلىن, مەملەكەت باسشىسىنىڭ ەلدى الەۋمەتتىك-ەكونوميكالىق جەدەلدەتە دامىتۋعا, ەۋرازيالىق ىقپالداستىق ۇدەرىستەرگە بەلسەنە قاتىسۋعا جانە رەسەيمەن ستراتەگيالىق ارىپتەستىك پەن وداقتاستىق قاتىناستاردى نىعايتۋعا باعىتتالعان كەڭ اۋقىمدى باعىتىن قولداپ وتىرعانىن قۋاتتايتىنىن ايتقان. رەسەي پرەزيدەنتى ەكىجاقتى بايلانىستاردىڭ بارلىق كەشەنىن ودان ءارى ورىستەتۋگە, بىرلەسكەن جۇمىستى جانە ديالوگتى جالعاستىرۋعا, سونداي-اق, ەكى ەل حالىقتارىنىڭ مۇددەسى ءۇشىن ەۋرازيالىق ەكونوميكالىق وداق جانە باسقا دا حالىقارالىق قۇرىلىمدار اۋقىمىندا قۇرلىقتاعى بەيبىتشىلىكتى, تۇراقتىلىق پەن قاۋىپسىزدىكتى قامتاماسىز ەتۋدە سىندارلى ءوزارا ءىس-قيمىلعا دايىن ەكەنىن نازارعا العان. ەلامان قوڭىر. دەرەك: «قازاقپارات». سۋرەت: 24.kz.