اۋىلدىقتار داۋىس بەردى

اۋدانداعى بىرلىك, تەڭدىك اۋىلدارى جۋىردا بولعان سۋ تاسقىنىنان ەندى عانا ەس جيىپ, ءۇي-جاي, قورا-قوپسىلارىن جوندەۋدە. كوكتەم سايىن كەلەتىن تابيعات اپاتىنان ولار ءبىراز قيىندىقتار كوردى. قازىر جاعداي ورنىقتى, وبلىس, اۋدان اكىمدىكتەرى تاراپىنان بارلىق كومەك, قولداۋ كورسەتىلۋدە. قازىر سۋ شايىپ كەتكەن جولدار جوندەلۋدە. سۋ تاسقىنى سالدارىنان جارامسىز بولىپ قالعان اششىسۋ وزەنىنەن وتەتىن كوپىر قالپىنا كەلەدى دەپ وتىر. ءبىز حابارلاسقان سۋ تاسقىنىنان زارداپ شەككەندەردىڭ ءبىرى, كوپ بالالى انا, «كۇمىس القا» يەگەرى گۇلسىم مانزۋلوۆا وسى اۋىلدا 30 جىلدان بەرى تۇرادى ەكەن. – سوڭعى رەت 2013 جىلى تابيعاتتىڭ توسىن مىنەزىنە تاپ بولعان ەدىك. بۇل جولى كەشكە قاراي ءۇيدىڭ ىشىنە كىرگەن سۋ ەدەندى كوتەرىپ كەتتى. ابىروي بولعاندا اۋىل تۇر­عىندارى ءدىن امان. اۋدانمەن بايلانىس ۇزىلگەن جوق. قازىر گۋمانيتارلىق كومەك, ازىق-ت ۇلىك پەن ءدارى-دارمەك جەت­كىزىلدى. ءبارىمىز دە امان-ەسەنبىز. ءبىر كىسى­دەي بولىپ بالا-شاعامىزدىڭ بولا­شا­عى ءۇشىن بارىپ داۋىس بەردىك, – دەيدى گۇلسىم اپاي. اۋىل اكىمى عالىم امەنوۆتىڭ ايتۋىنشا, سۋ تاسقىنى كەزىندە اۋىل تۇرعىن­دارى امان, مال شىعىنى بولعان جوق. گۇل­سىم ايتقان, سۋ كىرگەن ۇيلەر دە ءجون­دەلەدى. قازىر بۇل ماسەلە قولعا الىنعان. اۋىلعا تارازدان, نازارباەۆ زيات­كەرلىك مەكتەپتەرىنەن كومەك كورسەتى­لىپتى. «جاس وتان» جاستار قاناتى كەلىپ, اقساقال­دار­دىڭ ءۇي جايىن, قورا قوپسىلارىن تازارتىپ, اعاشتار ەگىپتى. تاسقىننىڭ دا بەتى قايتقان. «ءبىز پرەزيدەنت سايلاۋى وتەتىن كۇنگە دايىندالدىق. 2015 جىلدىڭ 26 ءساۋىرى ەسىمىزدە جاقسىلىق كۇن بولىپ قال­سىن دەپ ىرىمدادىق», – دەيدى اۋىل اكىمى. تەڭدىك اۋىلىندا 358 سايلاۋشى بار ەكەن. اۋىلدىقتار ەرتەڭگىلىك جاقسى كوڭىل كۇيمەن كەلىپ داۋىس بەرىپتى. «تا­بيعات اپاتى ايتىپ كەلمەيدى. عۇمىر بويى وسى جەردە تۇرامىز. ەل مەن جەر, اۋىل وزىمىزدىكى. ۇكىمەت, اكىمدىك اۋىلعا قاراي­لاسىپ جاتىر», – دەيدى اۋىلدىق ازاماتتار. ءبىز تەلەفون ارقىلى حابار­لاس­قان نەسكەن مالكوۆا اپامىز بەن ءالىم­جان ابىشەۆ اتامىز اۋىلداستارىنىڭ جاس-كارىسى بار ەلىمىزدىڭ بولاشاعى ءۇشىن بۇل ماڭىزدى شاراعا ءمان بەرىپ داۋىس بەرگەندەرىن, الداعى جاقسى كۇندەر­گە سەنىم بىلدىرەتىندەرىن جەتكىز­دى. شالعاي­داعى ءبولىم­شەلەرگە ەكى كىسى اتپەن بارىپ, مالشى قاۋىمنىڭ دا سايلاۋدان تىس قالماۋىن قامتاما­سىز ەتىپتى. فاريدا بىقاي, «ەگەمەن قازاقستان».  پاۆلودار وبلىسى, باياناۋىل اۋدانى.