كەشە...

...مەموراندۋمعا  قول قويىلدى جامبىل وبلىسىنىڭ اكىمى قانات بوزىمباەۆ پەن “قاز­ترانس­گاز” اق باس ديرەكتورى سەرىك سۇلتانعاليەۆ وبلىس اكىمدىگى جۇزەگە اسىراتىن, 2015 جىلعا دەيىن ءوڭىردى گازداندىرۋدىڭ كە­شەندى باعدارلاماسىن ىسكە اسىرۋ­دىڭ ءتيىمدى جانە ەكىجاقتى ۇتىم­دى بايلانىسىن, ستراتەگيالىق ارىپتەستىكتى جانە ونى ۇزاق مەر­زىمدى ورنىقتىرۋدى قاراستىراتىن ءوزارا قىزمەت تۋرالى مەموران­دۋمعا قول قويدى. مەموراندۋمعا سايكەس, تاراپ­تار وبلىستاعى 140-قا جۋىق ەلدى مە­كەندى گازداندىرۋدى (قۇنى 5 ميل­ليارد تەڭگەدەن استام) ودان ءارى جالعاستىرۋعا كەلىستى. جۇمىس ىستەپ تۇرعان گاز ۇلەستىرۋ جۇيەسىن رەس­پۋب­ليكالىق جانە جەرگىلىكتى بيۋد­جەت قاراجاتىنان جاڭعىرتۋ جانە قايتا قۇرۋ جوبالارىن گاز­دان­دىرۋدى قارجىلاندىرۋ جانە بىرلەسىپ قارجى ءبولۋدى قامتاماسىز ەتۋ شارالارىن قولدانۋ, ينۆەس­تي­تسيا مەن باسقا دا قارجى كوزدەرىن تارتۋدى, بەكىتىلگەن زاڭنامالىق تارتىپتە جاڭادان سالىنعان نى­سان­داردى گازداندىرۋ ءۇشىن, ولار­دى ودان ءارى پايدالانۋ مىندەتتەرى ايقىندالدى. سونداي-اق “كاز­ترانس­گاز” اق جابدىقتاۋ جانە ايماقتاعى 2030 جىلعا دەيىنگى الەۋمەتتىك-ەكونوميكالىق دامۋ باعدارلاماسىن ەسكەرە وتىرىپ, وبلىستاعى گاز تۇتىنۋشىلارىنىڭ بولجاۋىن بەرۋ تۋرالى ءوزارا كەلىسىم جاسالدى. كوسەمالى ساتتىباي ۇلى. جامبىل وبلىسى. ______________ ...ءوڭىر كاسىپكەرلەرى باس قوستى كەشە “بيزنەستىڭ جول كارتاسى – 2020” باعدارلاماسى اياسىندا سەمينار وتكىزىلىپ, وعان ەكونومي­كا­لىق دامۋ جانە ساۋدا مينيستر­لىگى ينۆەستيتسيا دەپارتامەنتىنىڭ ديرەكتورى, وبلىستاعى كاسىپ­كەر­لىك جانە ونەركاسىپ باسقارما­سى­نىڭ, “دامۋ” كاسىپكەرلىكتى دامىتۋ قورىنىڭ جانە بانك توراعالارى مەن جەر-جەردەن كەلگەن كاسىپ­كەرلەر قاتىستى. 2020 جىلعا دەيىنگى سترا­تە­گيا­لىق دامۋ جوسپارىن جۇزەگە اسىرۋ باعىتىندا ارنايى باعدارلاما ازىرلەنىپ, ۇدەمەلى يندۋستريالىق-يننوۆاتسيالىق قۇرىلىم مەحانيز­مىن دامىتۋعا پايىزدىق ۇستەمەسى از قارجى بولىنگەنى ورتاعا سا­لىن­دى. “بيزنەستىڭ جول كارتاسى – 2020” باعدارلاماسى ەكى كەزەڭمەن جۇزەگە اسىرىلاتىن بولسا, ولار 2010-2014 جانە 2015-2020 جىل­داردى قامتىپ, جوبالى جۇمىستار قولعا الىناتىندىعى ايتىلدى. باعدارلامانى جۇزەگە اسىرۋ ءۇشىن وڭىردە بيىل 973 ملن. تەڭگە قارجى ءبولىنىپ, بيزنەس باستامالاردى قول­داۋ, كاسىپكەرلىك سەكتوردى ساۋىق­تىرۋ, شەتەلگە تاۋار شى­عارۋ­شىلاردى قولداۋ بويىنشا قاناتقاقتى جۇمىستار جۇزەگە اسىرىلاتىن بولدى. كۇمىسجان بايجان. الماتى وبلىسى. ______________ ...10 جىلدىعى اتاپ ءوتىلدى مادەنيەتتى قولداۋ جىلى پەت­رو­پاۆل قالاسىندا وبلىستىق قازاق-سازدى دراما تەاترى وتاۋ تىگىپ, تۇساۋىن ەلباسى ن.نازار­باەۆ كەسكەن بولاتىن. الماتىداعى ت.جۇرگەنوۆ اتىنداعى ۇلتتىق ونەر اكادەمياسى تەاتر فاكۋل­تە­تىنىڭ 25 تۇلەگى ونەردەگى العاشقى قادامدارىن قىزىلجاردىڭ قا­سيەتتى جەرىنەن باستاپ, بۇگىندە شىعارماشىلىق ۇجىمنىڭ نەگىزىن قۇراپ وتىر. ۇجىم مۇشەلەرىنىڭ ەسىمدەرى بۇگىندە ۇلكەن قۇرمەتپەن اتالادى. بۇلاردىڭ بىرقاتارى – ءتۇرلى بايقاۋ لاۋرەاتتارى. تەاتر ترۋپپاسىنىڭ جەڭىستى جولدارى – ءوز الدىنا ءبىر توبە. رەسپۋبليكا­لىق, حالىقارالىق فەستيۆالدەردە جوعارى ورىنداردان كورىنىپ ءجۇر. تەاتر جانىندا كامەرالىق وركەستر, ۇلتتىق بي توبى, جاس رەجيسسەرلەر كلۋبى جۇمىس ىستەيدى. مەرەيلى وقيعاعا وراي وبلىس اكىمى سەرىك ءبىلالوۆ قۇتتىقتاۋ حات جولداپ, سىي-سياپات كورسەتتى. ا.قاپەزوۆ, ب.شايمەردەنوۆ, ب.ءابىل­ماجىنوۆ سەكىلدى كاسىپ­كەر­لەر دە مىرزالىق تانىتتى. وسى كۇنى پەتروپاۆلدىقتار تەاتر ارتىستەرىنىڭ ونەرىن قىزىعا تاماشالادى. ءومىر ەسقالي. سولتۇستىك قازاقستان وبلىسى.