«مەرەكەدە جۇرگەندەي اسەر الدىق»

وسكەمەنگە شىعىس قازاقستان وڭىرىمەن ىرگەلەس رەسەي فەدەراتسياسىنىڭ التاي ايماعىنان بىرقاتار بايقاۋشىلار توبى كەلگەن بولاتىن. بارناۋل قالاسىنان كەلگەن حالىقارالىق بايقاۋشىلار پرەزيدەنت سايلاۋىن باقىلاۋ بارىسىندا اتالعان ساياسي وقيعانىڭ ەلىمىزدىڭ ىنتىماعى مەن بىرلىگىن تاعى ءبىر پاش ەتىپ جاتقانىن ەرەكشە اتاپ ءوتتى. ءبىز تمد بايقاۋشىلار ميسسياسىنىڭ وكىلى پەتر فريزەندى سوزگە تارتقان ەدىك. – مەن وبلىس ورتالىعىندا تاڭەرتەڭنەن بەرى بىرقاتار سايلاۋ ۋچاسكەسىن ارالادىم. بارلىق ۋچاسكەلەردەگى ۇيىمداستىرۋشىلار قىزمەتى, ونداعى داۋىس ۇدەرىسىن جۇرگىزۋگە جاسالعان جان-جاقتى دايىندىق ماعان ەرەكشە اسەر قال­دىردى. ەكىنشىدەن, ءبىز سايلاۋ ۋچاسكەلەرىندەگى كوميسسيا وكىلدەرىنىڭ سايلاۋدى وتكىزۋگە تىڭعىلىقتى دايىندىقتارى بارلىعىن بايقادىق. ولارمەن اڭگىمەلەسۋ بارىسىندا قانداي دا ءبىر كوڭىل تولماۋشىلىق, كوزدەرىنە تۇسكەن قۇقىق بۇزۋ­شى­لىقتار تۋرالى سۇرادىق. ونداي كەلەڭسىز وقيعا تىركەلمەگەن ەكەن. كانديداتتاردىڭ سەنىمدى وكىلدەرىمەن دە سويلەستىك. ولار دا داۋىس بەرۋ ۇدەرىسى بارلىق زاڭ تالاپتارىنا ساي ءوتىپ جاتقانىن اتاپ ءوتتى. شىعىس قازاقستان ءوڭىرىنىڭ تۇرعىندارىندا ۇلكەن بىرلىك, ۇيىمشىلدىق بار ەكەنىن بايقادىم. ويتكەنى, تاڭەرتەڭ سايلاۋ ۋچاس­كەلەرىنىڭ الدى تولىپ تۇردى. حالىق كەزەك-كەزەگىمەن داۋىس بەرىپ جاتتى. بۇل قازاقستاندىقتاردىڭ ءوز كەلەشەكتەرىنە جاۋاپكەرشىلىكپەن قارايتىنىن, ازاماتتىق تۇرعىدان بەلسەندى ەكەندىگىن كورسەتەدى. سونىمەن بىرگە, بۇكىل وتباسىمەن, بالا-شاعاسىمەن كەلىپ جاتقان تۇر­عىنداردى كورگەنىمدە, قازاق­ستان رەسپۋبليكاسىنىڭ پرەزي­دەنتىن سايلاۋ ەلدەگى ماڭىزدى وقيعالاردىڭ ءبىرى عانا ەمەس, سالتاناتتى مەرەكەلەردەن دە كەم تۇسپەيتىنىن اڭ­دادىم. كوپ­تەگەن ۋچاسكەلەردە كونتسەرت ۇيىم­داستىرىلىپ, ساۋدا-ساتتىق الاڭدارى جۇمىس ىستەپ جاتىر. سوندىقتان, سايلاۋدا مەرەكەدە جۇرگەندەي جاقسى اسەر الدىق. حالىق جايدارى, كوڭىلدى كەيپىمەن بىزگە دە قۋانىش سىيلادى. جازىپ العان دۋمان اناش, «ەگەمەن قازاقستان».