فوتو: ن.بايبۋللين
ماۋلەن اشىمباەۆ ەل پرەزيدەنتى قاسىم-جومارت توقاەۆتىڭ قازاقستاننىڭ ساياسي جانە الەۋمەتتىك-ەكونوميكالىق دامۋ پەرسپەكتيۆالارىنا قاتىستى تاپسىرمالارىنا نازار اۋدارىپ, پالاتانىڭ الداعى جۇمىسىنىڭ جەكەلەگەن باعىتتارىنا توقتالىپ ءوتتى.
«پرەزيدەنتىمىز قاسىم-جومارت كەمەل ۇلى توقاەۆ VIII سايلانعان پارلامەنتتىڭ ءۇشىنشى سەسسياسىنىڭ اشىلۋىندا قازاقستان حالقىنا جولداۋىن جاريالاپ, الداعى ماقسات-مىندەتتەردى بەلگىلەپ بەردى. سونداي-اق جولداۋدا ەلىمىزدىڭ ساياسي جانە الەۋمەتتىك-ەكونوميكالىق دامۋ پەرسپەكتيۆالارىنا قاتىستى ماسەلەلەر ايقىندالدى. سەنات مەملەكەت باسشىسى جۇكتەگەن بارلىق مىندەتتى ىسكە اسىرۋعا جان-جاقتى قولداۋ كورسەتەدى. بۇل رەتتە قاجەتتى زاڭداردىڭ ۋاقتىلى ازىرلەنۋى مەن قابىلدانۋىن قامتاماسىز ەتۋ – باستى مىندەت. وسىعان وراي جولداۋدا كوتەرىلگەن ماسەلەلەر مەن تاپسىرمالاردى ەسكەرە وتىرىپ, سەناتتىڭ الداعى نەگىزگى ءىس-شارالار جوسپارىن پىسىقتاۋ قاجەت», دەدى سەنات توراعاسى.
سونىمەن قاتار پالاتا سپيكەرى ستراتەگيالىق باعىتتار بويىنشا قولعا الىناتىن شارالار توپتاماسىنا نازار اۋداردى. اتاپ ايتقاندا, مەملەكەت باسشىسى اتاپ وتكەن ەلىمىزدەگى ينۆەستيتسيالىق جانە بيزنەس-احۋالدى جاقسارتۋ, اگروونەركاسىپتىك كەشەنگە ينۆەستيتسيا تارتۋ, اقشا-نەسيە جانە فيسكالدىق ساياساتتى جاڭعىرتۋ سياقتى مىندەتتەر تۋرالى ءسوز بولدى.
«سالىق جۇيەسىن قايتا قاراۋ جانە ونى جاپپاي تسيفرلاندىرۋ كوزدەلىپ وتىر. جاڭا سالىق كودەكسىن ساپالى ازىرلەۋ ءۇشىن ونى قابىلداۋ مەرزىمى كەلەسى جىلعا اۋىستىرىلدى. سونداي-اق اۋدان جانە وبلىستىق ماڭىزى بار قالالاردىڭ اكىمدەرىن تىكەلەي سايلاۋ, بانكتەر جانە قۇقىق بۇزۋشىلىقتاردىڭ الدىن الۋ تۋرالى جاڭا زاڭدار قابىلداۋ جۇكتەلگەن مىندەتتەردى ىسكە اسىرۋ جولىنداعى ماڭىزدى قادام بولارى انىق. بۇقارالىق سپورتتى دامىتۋ, الەۋمەتتىك ساياسات جانە اكتيۆتەردى قايتارۋ باعىتىنداعى زاڭدار دا قابىلدانادى. وسى ورايدا سەنات مەملەكەت باسشىسى بەلگىلەپ بەرگەن بارلىق باستامانىڭ ىسكە اسىرىلۋىن زاڭنامالىق تۇرعىدان قامتاماسىز ەتەدى», دەدى ماۋلەن اشىمباەۆ.
