فوتو: سەنات
الىشەر ساتىبالديەۆ مەملەكەت باسشىسىنىڭ جولداۋدا كوتەرگەن 9 ماسەلەسى كەيىنگى 5 جىلدا قولعا الىنعان رەفورمالاردىڭ جالعاسى ەكەنىن اتاپ ءوتتى.
«بۇگىن جىل سايىنعى داستۇرگە سايكەس قر پارلامەنتى پالاتالارىنىڭ بىرلەسكەن وتىرىسى ءوتتى. مەملەكەت باسشىسىنىڭ قاتىسۋىمەن وتكەن جيىندا سەگىزىنشى سايلانعان پارلامەنتتىڭ ءۇشىنشى سەسسياسى اشىلدى. سونىمەن قاتار پرەزيدەنت قازاقستان حالقىنا ءداستۇرلى جولداۋىن ارنادى.
جولداۋدا نازارعا الىنعان ماسەلەلەر مەن باسىمدىقتار ەل ءومىرىنىڭ بارلىق سالاسىنا تيەسىلى ەكەندىگىمەن ەستە قالدى. مەملەكەت باسشىسى جولداۋدا اتاپ وتكەن نەگىزگى 9 ستراتەگيالىق باعىتتار مىنالار:
- اقشا-نەسيە ساياساتى مەن فيسكالدى ساياساتتىڭ اراسىنداعى ۇيلەسىمسىزدىكتى جويۋ قاجەت.
- ينۆەستيتسيالىق احۋالدى جانە بيزنەس جۇرگىزۋگە قاجەتتى جاعدايدى جاقسارتۋ جولىندا ۇزدىكسىز جۇمىس ىستەۋ ماڭىزدى.
- ەلىمىزدىڭ ونەركاسىپ الەۋەتىن تولىق پايدالانۋ ءۇشىن جان-جاقتى شارالار قابىلداۋ قاجەت.
- ينفراقۇرىلىمعا قاتىستى وزەكتى ماسەلەلەردى شەشۋ قاجەت.
- ەلىمىزدىڭ كادرلىق الەۋەتىن بىرتىندەپ ارتتىرۋ وتە ماڭىزدى.
- ۇلت ساۋلىعىن نىعايتۋ ءۇشىن كەشەندى شارالاردى قولعا الىپ, حالىقتى الەۋمەتتىك قولداۋ جۇيەسىن جاڭعىرتۋ كەرەك.
- ەكولوگيالىق احۋالدى جاقسارتۋ – الدىمىزدا تۇرعان نەگىزگى مىندەتتىڭ ءبىرى.
- مەملەكەتتىك باسقارۋ ءىسىنىڭ تيىمدىلىگىن بارىنشا ارتتىرۋ كەرەك.
- قوعامدا زاڭ مەن ءتارتىپ يدەولوگياسىن تەرەڭ ورنىقتىرۋ قاجەت.
بۇل باعىتتار بويىنشا اتقارىلۋى كوزدەلگەن جۇمىستاردىڭ دەنى سوڭعى بەس جىلدا ەلىمىزدە قولعا الىنعان اۋقىمدى رەفورمالىق ساياساتتىڭ جالعاسى بولىپ سانالادى. اتقارىلعان جۇيەلى جۇمىستىڭ ناتيجەسىندە ءتيىستى العىشارتتار جاساۋ ارقىلى وسى ستراتەگيالىق باعىتتاردى جۇزەگە اسىرۋ مۇمكىندىگى تۋدى دەۋگە بولادى», دەدى ءا.ساتىبالديەۆ.
سەناتور اەس سالۋ بويىنشا رەفەرەندۋم ۋاقىتىنىڭ بەلگىلەنۋى دە ماڭىزدى جاڭالىق ەكەنىنە توقتالدى.
«جولداۋ بارىسىندا اتالعان تەزيستەردىڭ اراسىنان اەس سالۋ بويىنشا رەفەرەندۋم مەرزىمىنىڭ انىقتالعانى ەڭ تالقىلاۋلى ماسەلە بولارى انىق. دەسە دە, ەلىمىزدىڭ ەنەرگەتيكالىق قاۋىپسىزدىگىن اەس سالۋ ارقىلى شەشۋدىڭ دۇرىس-بۇرىسىن ەل ازاماتتارى سوڭعى ءبىر جىل بويى قىزۋ تالقىلاپ كەلدى. ەندى شەشىم قابىلداۋ كەزەڭى تۋدى. بۇل تاڭداۋ ارقىلى وتانداستارىمىزدىڭ اۋىزبىرشىلىگى ايقىن كورىنەرىنە سەنىمدىمىن.
مەملەكەت باسشىسىنىڭ وسى تۇرعىدان: ء«بىزدىڭ ۇزاق مەرزىمگە ارنالعان دامۋ جولىمىز – ايقىن. بيىك ماقساتتارىمىز بار. وعان جەتۋ ءۇشىن, ەڭ الدىمەن, ەل بىرلىگىن ساقتاي ءبىلۋىمىز كەرەك. ءبىر-بىرىمىزگە قولداۋ ءبىلدىرىپ, قۇرمەت كورسەتۋىمىز قاجەت» دەگەنى بەكەر ەمەس», دەدى ءا.ساتىبالديەۆ.
