پانيتسكيلەر پايىمى

بىلتىر ەلىمىزدە وتكەن جالپى­حالىقتىق «مە­رەيلى وتباسى» باي­قاۋى­نىڭ شىعىس قازاقستان وبلىسى بويىنشا جەڭىمپازى جانە رەسپۋب­ليكالىق كەزەڭىنىڭ قاتىسۋشىلارى اتانعان پانيتسكيلەر وتباسى دا پرەزي­دەنتتىك سايلاۋدا ءوز تاڭداۋلا­رىن جاسادى. اندرەي مەن دينارا پانيتسكيلەر ءۇشىن قازاق­ستان رەسپۋبليكاسى پرەزيدەنتىن سايلاۋ كۇنى وتباسى­لىق مەرەكە ىسپەتتى بولدى. ولار ەرتەڭگىلىك وزدەرى تۇرا­تىن كۋرچاتوۆ قالاسىنىڭ №294 سايلاۋ ۋچاسكەسىندە ­داۋىس بەردى. – مەن ءتورت بالانىڭ اناسى­مىن. شۇكىر, جانىمدا جاقسى كورەتىن جارىم مەن بالالارىم, تۇراقتى جۇمىسىم مەن ەڭبەكاقىم بار. كۇيەۋىمنىڭ ۇلتى – ورىس, ءوزىم قازاقپىن. الايدا, ءبىز ءۇشىن ۇلتتىق ەرەكشەلىكتەرىمىز كەدەرگى بولعان ەمەس. ويتكەنى, ءبىز – قازاقستاندىقپىز! ءبىز وتباسىلىق مەرەكەلەرىمىزدە ۇلتىمىزدىڭ ءداستۇرى مەن سالتىن قۇرمەتتەپ, بالالارىمىزعا ۇيرەتىپ وتىرامىز. سوندىقتان, بۇگىنگى قول جەتكىزگەن تابىستارىمىز قوعامىمىزداعى دوستىق, بەيبىتشىلىك پەن كەلىسىمسىز جۇزەگە اسپاعان بولار ەدى دەپ ويلايمىن. كۇيەۋىمدى اۋلەتىمىزدىڭ باسشىسى رەتىندە سىيلايمىن. ءوزىم شەكسىز جاقسى كورەتىن بالالارىمنىڭ كەلەشەگىنە ۇلكەن ءۇمىت ارتامىن. ەلىمىزدىڭ قازىرگى جان-جاقتى جۇرگىزىپ وتىرعان ساياساتى ءبىزدىڭ بولاشاققا دەگەن بەرىك سەنىمىمىزدى قالىپتاستىردى. سول سەبەپتى وتباسىمىزبەن سايلاۋ ۋچاسكەسىنە كەلىپ, ءوز تاڭداۋىمىزدى جاسادىق, – دەدى دينارا. ال اندرەي سايلاۋ ۋچاسكەسىنە سايلاۋشىلار­دىڭ مول جينالعانىن, ولاردىڭ اراسىندا كورشىلەرى, ­تانىس­تارى, دوستارى مەن بىرگە جۇمىس ىستەيتىن ارىپتەستەرى بار ەكەنىن جەتكىزدى. – مەنىڭ ويىمشا, كۋرچاتوۆتىق تۇرعىندار كۇللى قازاقستاندىقتار سياقتى سايلاۋعا بەلسەندى تۇردە قاتىستى. ەلىمىز ءۇشىن ءار داۋىس ماڭىزدى. ءبىز دە ەلىمىزدىڭ, بالا­لارى­مىزدىڭ بولاشاعىن تاڭداۋ جولىندا داۋىس بەردىك, – دەدى ول. دۋمان اناش, «ەگەمەن قازاقستان». شىعىس قازاقستان وبلىسى, كۋرچاتوۆ قالاسى.