وقۋ باعدارلاماسىنا بۋللينگكە قارسى ءىس-شارالاردىڭ ءبىرى - "قاۋىپسىزدىك ساباعى" ەنگىزىلىپ جاتىر. مۇنىڭ بارلىعى وتاندىق ءبىلىمنىڭ ساپاسىن ارتتىرۋعا, بالالار ءۇشىن جايلى ءارى قاۋىپسىز ورتا قۇرۋعا باعىتتالعان, - دەلىنگەن ۆەدومستۆو حابارلاماسىندا.
ۆەدومستۆو مالىمەتىنشە, 87 مىڭ قازاقستاندىق وقۋشى وقۋ جىلىن جاڭا مەكتەپتەردە قارسى الىپ جاتىر. جالپى 2024-2025 وقۋ جىلى 536 مىڭ وقۋشى ورنىنا ارنالعان 302 مەكتەپ پايدالانۋعا بەرىلەدى دەپ جوسپارلانعان.
قىركۇيەكتەن باستاپ مەكتەپكە دەيىنگى ۇيىمداردا اتا-انالارعا ارنالعان 3,5 مىڭ كەڭەس بەرۋ پۋنكتى ءوز جۇمىسىن باستايدى. كوللەدجدەردە وقيتىن 300 مىڭنان استام ستۋدەنتتىڭ شاكىرتاقىسى 50 پايىزعا ارتقان. 1,7 ميلليون وقۋشى مەكتەپتەردە تەگىن تاماقتانۋمەن قامتىلادى.
