ۇيىمداستىرۋشىلىق دەڭگەيى بيىك

رەسەي پارلامەنتى فەدەراتسيا كەڭەسىنىڭ مۇشەسى, تمد بايقاۋ­شىلار ميسسياسى اتىنان  قازاقستانداعى كەزەكتەن تىس پرەزيدەنتتىك سايلاۋعا بايقاۋشى بولىپ قاتىسقان يگور زۋگا قازاقستانداعى سايلاۋعا دايىندىق دەڭگەيى جوعارى ەكەندىگىن اتاپ كورسەتتى. ونىڭ ايتۋىنشا, ۇشاقتان تۇسكەننەن باستاپ,  قوناق ۇيگە جەتكەنگە دەيىنگى ارالىقتا  دايىندىق بارىسى بارلىق قىرىنان كورىنىپ تۇرىپتى. «قازاقستاندا بولعان ۋاقىتىمدا سايلاۋعا دايىندىق بويىنشا ەشقانداي كەمشىلىك بايقامادىم. بارلىعى ناقتى ۋاقىتىمەن ۇيىمداستىرىلعان تۇردە اتقارىلدى. وسى ورايدا, ۇيىمداستىرۋشىلىق دەڭگەيى وتە جوعارى دەپ ايتا الامىن», – دەدى يگور ميحايلوۆيچ. تمد بايقاۋ­شىلار ميسسياسى ءوزىنىڭ جۇمىسىن تاڭعى 5.30-دا باستا­عاندىعىمەن بولىسكەن ي.زۋگا بايقاۋشىلار ۋچاسكەلەردى ءوز ەركى­مەن تاڭداعانىن جانە ولارعا ەشكىم دە شەكتەۋ قويماعانىن جەتكىزدى. سونداي-اق, رەسەيلىك بايقاۋ­شى ەلىمىزدەگى پرەزي­دەنتتىك سايلاۋعا رەسەي­دىڭ بارلىق ءوڭىر­­لەرى ۇلكەن قىزى­عۋشىلىق تانىتىپ وتىرعانىن دا جاسىرمادى. «قازاقستانداعى سايلاۋ – ءنومىرى ءبىرىنشى جاڭالىق. مەن ءوزىم ومبى وبلىسىنانمىن, وندا ورنالاسقان كونسۋلدىكتە داۋىس بەرۋ ءۇشىن سايلاۋ ۋچاسكەسى اشىلعان. مەنىڭ ويىمشا,  ومبى وبلىسىنداعى قازاقستان ازاماتتارى دا مۇندايدا ۇلكەن بەلسەندىلىك تانىتادى», دەدى  رەسەي پارلامەنتى فەدەراتسيا كەڭەسىنىڭ مۇشەسى.