مۇنداي كورسەتكىش زاڭدى تۇلعالار ءۇشىن بانك ونىمدەرىنىڭ تارتىمدى بولا تۇسكەنىن ايعاقتايدى دەيدى «Ranking» ساراپشىلارى. بازالىق مولشەرلەمەنىڭ بىرتىندەپ تومەندەپ كەلە جاتقانى قارجى ينستيتۋتتارىنداعى بيزنەس سالىمدارىنىڭ كوبەيۋىنە بوگەت بولماعان سياقتى. دەمەك بيزنەستىڭ بانككە دەگەن سەنىمىن نىعايتۋدا بازالىق مولشەرلەمە عانا ءرول وينامايدى, ودان بولەك اتاپ ايتارلىق بىرقاتار فاكتور بار. ولار – تۇتاستاي العاندا بانك سەكتورىنىڭ سەنىمدىلىگى مەن تۇراقتىلىعىنىڭ ءوسۋى, كاسىپكەرلەردىڭ سەنىمىن ارتتىرۋ جانە بيزنەس ءۇشىن تسيفرلىق قىزمەتتەردىڭ قۋاتتى دامۋى.
ەلىمىزدىڭ ءىرى بانكتەرى اراسىندا زاڭدى تۇلعالاردىڭ سالىمى كولەمىنىڭ اي سايىنعى ءوسۋى بويىنشا «Kaspi Bank» كوشباسشى بولدى. سوما ءبىر ايدا 31,7%-عا نەمەسە 112,9 ملرد تەڭگەگە ۇلعايدى. مۇنداي ءوسۋ جالپى سەكتور بويىنشا كورسەتكىشتەن بىرنەشە ەسە كوپ. ەڭ ءىرى قارجى ينستيتۋتى حالىق اراسىندا عانا ەمەس, سونىمەن قاتار بيزنەس-قوعامداستىق اراسىندا دا تانىمال ەكەنى تاڭعالارلىق ەمەس جانە بۇل قىزىعۋشىلىق ايتارلىقتاي ارتىپ كەلەدى. زاڭدى تۇلعالاردىڭ سالىمىنىڭ ءوسۋى بويىنشا ەكىنشى ورىندا «Bank RBK» تۇر. كاسىپكەرلەردىڭ بۇل بانكتەگى سالىمى 121,7 ملرد تەڭگەگە ارتتى. ۇزدىك ۇشتىكتى 107,4 ملرد تەڭگەگە كوبەيۋ كورسەتكىشىمەن «ەۋرازيالىق بانك» جابادى», دەپ مالىمدەيدى ساراپشىلار.
كوشباسشىلار بەستىگىندە «Bereke Bank» (+10,1%) پەن «Jusan ۆank» (+9,7%) بار. ءىرى ەكىنشى دەڭگەيلى بانكتەر اراسىندا ءبىر ايدا بيزنەس سالىمدارىنىڭ كولەمى كەرىسىنشە قىسقارعاندار دا جوق ەمەس. ماسەلەن, «شينحان بانك قازاقستانداعى» بيزنەس سالىمدارى ءبىر ايدا 1,1%-عا ازايسا, «سيتيبانك قازاقستاندا» 6%-عا دەيىن قۇلدىراپ كەتكەن.
ايتا كەتەيىك, قازىرگى ۋاقىتتا بانكتەردە زاڭدى تۇلعالاردىڭ قول جەتكىزگەن سالىمدارىنىڭ كولەمى رەكوردتىق دەڭگەيدى كورسەتىپ وتىر. جىلدىق ديناميكادا ءوسىم 13,3%-دى قۇرادى. ءبىر قىزىعى, بيزنەس سالىمدارى ارقاشان ءوسىم كورسەتە بەرمەيدى. مىسالى, 2017 جىلدان 2019 جىلعا دەيىن ايتارلىقتاي 1 ترلن تەڭگەدەن استام تومەندەۋ بايقالدى. الايدا كەيىنىرەك كولەمنىڭ ديناميكالىق ءوسۋىن بايقاۋعا بولادى, ونىڭ نەگىزگى سەبەپتەرىن ءبىز جوعارىدا اتاپ وتتىك.
كەيىنگى بەس جىلدا زاڭدى تۇلعالاردىڭ وتاندىق بانكتەردەگى سالىمى جىلىنا ورتا ەسەپپەن 15%-عا ءوسىپ جاتىر.
