بۇل ەلەكتوراتتىق ناۋقانعا «5» دەگەن باعا بەرۋگە بولادى

WEB-باسپاگەر جانىبەك سۇلەەۆپەن شاعىن اڭگىمە – قازاقستان پرەزيدەنتىن تاڭداپ داۋىس بەرۋدىڭ ءوتۋ بارىسى جايىنان حاباردار بولىپ وتىرعان شىعارسىز؟ – ارينە. كوڭىل اۋداراتىن ءبىر جايت, سايلاۋعا دايىندىق قانداي ەكپىنمەن جۇرسە, داۋىس بەرۋ دە سونداي دەڭگەيدە ءوتتى. دايىندىق بارىسىندا ەشقانداي دا «قارا PR»-عا جول بەرىلمەدى. مۇنىڭ ءوزى, ەڭ بىرىنشىدەن, ەلەكتورات مادەنيەتىنىڭ بۇرىنعى كەزەڭمەن سالىستىرعاندا, ەداۋىر وسكەنىن بايقاتادى. بىرقاتار باسىلىمداردا ايتتىم دا. – بايقاۋشىلار بەلسەندىلىگى قانداي بولدى؟ – تاڭەرتەڭنەن بەرى المالى مەن بوستاندىق اۋداندارىنداعى بىرنەشە سايلاۋ ۋچاسكەسىنە ءوزىم ءۇشىن باس سۇقتىم, بايقاعانىم, ءبارى دە ويلاعانداي, داۋىس بەرۋ مەن كۇتكەندەي دارەجەدە ءوتىپ جاتتى. كەلۋشىلەر سانى تۇراقتى. ءۇزىلىس جوق. بايقاعانىم, بايقاۋشىلار تاراپىنان دا الدەقانداي ەسكەرتۋلەر ايتىلمادى. مەنىڭشە بايقاۋشىلاردىڭ قازاقستانداعى مۇنداي قالىپتى داۋىس بەرۋ تاجىريبەسىنەن بولاشاقتا ۇيرەنەرى كوپ بولاتىنى داۋسىز. – بۇل سايلاۋدىڭ ەلىمىزدە وتكەن بۇعان دەيىنگى سايلاۋلاردان باستى ايىرماشىلىعى نەدە دەپ ويلايسىز؟ – وتە جاقسى ساۋال... بۇل سايلاۋدىڭ ەڭ باستى ەرەكشەلىگى, ءتىپتى, ارتىقشىلىعى – مۇندا وسى زامانعى تەحنولوگيالار مولىنان پايدالانىلدى. مەن مۇنى بولە-جارا ايتار ەدىم. كادەگە اسقان ينتەرنەت قۋاتىندا شەك بولمادى. اڭگىمەلەسكەن تالعات ءسۇيىنباي, «ەگەمەن قازاقستان». الماتى.