سۋايدىندارىنىڭ ءتۇبىن زەرتتەدى

«Apache 3» گيدروگرافيا­لىق بەيۇشاعى – جەرۇستى باس­قارۋ ستانساسىمەن جانە كەمەمەن جابدىقتالعان شاعىن اۆتوماتتى كەشەن. قۇرىلعى سۋايدىندارىنىڭ تەرەڭدىگىن زەرتتەۋ ءۇشىن ءبىر جيىلىكتى ەحولوت جانە سۋ پارامەترلەرى­­­­نىڭ داتچيكتەرىمەن جابدىقتال­­­­عان. باسقارۋ ستانساسى قۇرىلعى مەن راديوكانال نەمەسە ۇيالى بايلانىس ارقىلى بايلا­­نى­سىپ, گيدروگرافيالىق ءتۇسى­رى­لىمدى كەز كەلگەن قاشىق­تىق­تا جۇر­گىزۋگە مۇمكىندىك
بەرەدى.

گيدروگرافيالىق بەي­ۇشاق قوستاناي وبلىسىنىڭ سۋقوي­مالارى ءتۇبىنىڭ رە­لەفىن جانە سۋ كولەمىن با­عالاۋ ءۇشىن بۇ­عان دەيىنگى ەكس­­پەديتسيادا قول­دا­نىل­دى. بارلىق جۇمىس رەس­پۋب­لي­كالىق جوبا اياسىندا جۇر­گىزىلىپ وتىر. قازىرگى تاڭ­دا ۋنيۆەرسيتەت عالىمدارى جو­عارى توبىل جانە كارا­تومار سۋقويمالارىنىڭ تۇبى­نە باتيمەتريالىق زەرتتەۋ جۇر­گىزىپ, ودان سۋ, توپىراق جانە وسىمدىك ماتەريالدارىن جيناپ, زەرتحاناعا تاپسىر­دى. ونى اتالعان وقۋ ورنى­نىڭ قىزمەتكەرلەرى – المابەك نۇع­مانوۆ, ۆاديم چاشكوۆ, ءادىل نۇرپەيىسوۆ, تەمىرلان مۇقانوۆ جانە ۋنيۆەرسيتەت ماگيسترانتى ارتيوم باشەۆ اتقاردى. ايتا كەتەيىك, بيىل كوكتەمدەگى تاسقىننان كە­يىن سۋايدىندارىنىڭ ءتۇبى ەداۋىر وزگەرگەن, سوندىقتان سۋ درو­نىنىڭ ونى زەرتتەۋدەگى پاي­داسى مول. اپپارات سۋاستى مەن ۇستىن­دەگى كەڭىستىكتىڭ اۆتوماتتى ۇش­ول­شەمدى ءتۇسىرىلىمىن جۇر­گىزۋگە, سونداي-اق ينجە­نەر­لىك-گەودەزيالىق, ينجە­نەرلىك-گيدروگرافيالىق جا­نە ينجەنەرلىك-گيدرومەتە­ورو­لو­­­گيالىق زەرتتەۋلەر جۇرگىزۋگە وتە ءتيىمدى. ونى سۋ ءتۇبىنىڭ رەلەفىن زەرتتەپ, قۇبىر وتكەل­دەرىن تەكسەرىپ, كوپىرلەر مەن دامبالاردىڭ تىرەۋىش قۇرىلىمىنىڭ جاعدايىن باعا­لاۋدا قولدانادى.