شاراعا 4 قۇرىلىس كومپانياسى قاتىسىپ, كەلۋشىلەرگە ءوز تۇرعىن ۇيلەرىنىڭ ارتىقشىلىقتارىن تانىستىردى. سونداي-اق ءوز نىساندارىنا جەڭىلدىكتەر ۇسىنىپ, ءتۇرلى ۇتىس ويىندارىن ويناتتى. اشىق ەسىك كۇنىنە ارنايى كەلگەن 200-دەن استام ادام تۇرعىن ۇيلەردى راسىمدەۋ بويىنشا قۇندى اقپاراتتار الدى.
ۇيىمداستىرۋشىلاردىڭ سوزىنشە, «ناۋرىز» باعدارلاماسىنا قاتىسىپ, قىزىعۋشىلىق بىلدىرگەندەر سانى كوپ. سولاردىڭ ءبىرى − ارايلىم ءىزباساروۆا. 34 جاستاعى اتىراۋ قالاسىنىڭ تۇرعىنى «ناۋرىز» باعدارلاماسىنىڭ ىرىكتەۋىنەن ءوتىپ, بانكتىڭ وڭ ماقۇلداۋىن العان. بۇگىن ول دا كوپشىلىكپەن بىرگە وزىنە ۇنامدى ءۇي تاڭداۋعا كەلگەن ەكەن.
ء«بىز وسى «ناۋرىز» باعدارلاماسىنا قۇجات تاپسىردىق. «ناۋرىز» باعدارلاماسى اشىلعاننان كەيىن, باعىمىزدى سىناپ كورەيىك دەپ قۇجات تاپسىردىق. قازاقستان بويىنشا 38000 ادام ءوتىنىش بەرسە, ونىڭ تەك 12 مىڭى عانا ىرىكتەۋدەن وتكەن. سونىڭ ىشىندە ءبىز بەس مىڭىنشى بولىپ تۇرمىز. وتە قۋانىشتىمىن. «وتباسى بانك» اق ۇجىمىنا العىسىمدى بىلدىرەمىن», دەدى ول.
باعى جانىپ, باسپانالى بولۋعا مۇمكىندىك العان تاعى ءبىر تۇرعىن گ ۇلىم امانجولوۆا, بانكتەن دەپوزيت اشىپ, ونى كوپ جىلدان بەرى ۇزدىكسىز جيناعانىن ايتادى. كەلىنشەك سول سالىمىنىڭ ارقاسىندا باعدارلاماعا قاتىسىپ, العاشقى جارناعا اۋداراتىن قاراجاتى جەتكىلىكتى بولىپ, ىرىكتەۋدەن وتكەن.
«وتباسى بانكتىڭ» 2017 جىلدان بەرى سالىمشىسىمىن. وسىنداي باعدارلاما شىعىپ, قاتىستىم. وتە ءتيىمدى باعدارلاما. قۇجاتتاردى جيناقتاپ, كەلىسىمىن الدىق. ەندى ءبىز ءۇي تاڭداۋ ۇستىندەمىز. بۇگىنگى اشىق ەسىك كۇنى جاقسى وتۋدە. جاقسى باستالدى. جاقسى تانىستىرىلدى. حالىققا جاقسىلاپ جەتكىزۋ ماقساتىندا وسىندا اشىق ەسىك كۇندەرى كوپ بولسا ەكەن دەيمىز», دەدى سالىمشى.
بيىل «ناۋرىز» باعدارلاماسىنا وتىنىمدەردى قابىلداۋ 1 مامىردان باستالدى. باعدارلاماعا قاتىسۋ ءۇشىن اتىراۋ وبلىسىنان 1200 -گە جۋىق تۇرعىن ءوتىنىش بەرگەن. جوبا اياسىندا 420 ادام ماقۇلداۋ الىپتى. بانك وكىلدەرى 2025 جىلدان باستاپ وتىنىمدەردى قابىلداۋ ناۋرىز ايىندا باستالاتىنىن حابارلادى.
«بۇگىن «وتباسى بانك» اق اتىراۋ وبلىستىق فيليالى بارلىق قۇرىلىس كومپانيالارىن بانكتىڭ بولىمشەسىنە جيناپ, اشىق ەسىك كۇنىن وتكىزۋدەمىز. نەگىزگى ماقساتىمىز – «ناۋرىز» باعدارلاماسىنا وتكەن سالىمشىلارىمىز ءوز ۇيلەرىن ءبىر جەرگە كەلىپ تاڭداسىن دەگەن نيەتپەن جيناپ جاتىرمىز», دەدى «وتباسى بانك» اق اتىراۋ وبلىستىق فيليالىنىڭ بيزنەستى دامىتۋ ءبولىمىنىڭ باسشىسى دانيار تايشەكەنوۆ.
جاڭا جوبا − جاڭا مۇمكىندىك
«ناۋرىز» باعدارلاماسى 7% (جتسم 7,3%-دان 8,9% دەيىن) - 9 % (جتسم 9,3%-دان 11,8% دەيىن) مولشەرلەمەمەن ىسكە قوسىلعان جاڭا يپوتەكا. باعدارلاماعا ءۇي كەزەگىندە تۇرعان حالىقتىڭ الەۋمەتتىك وسال توپتارى, جۇمىس ىستەيتىن جاستار, جاس وتباسىلار, تۇرعىن ءۇي تولەمدەرى قاراستىرىلماعان قىزمەتكەرلەر, مونوقالالاردىڭ, اۋدان ورتالىقتارى مەن اۋىلدىق ەلدى مەكەندەردىڭ تۇرعىندارى قاتىسا الادى. جوبا 8 جىلعا ارنالعان. وسى ۋاقىت ارالىعىندا ەلىمىزدىڭ 68000 ازاماتىن جەكە تۇرعىن ۇيمەن قامتاماسىز ەتۋ كوزدەلگەن.
بيىلعى جىلدىڭ وزىندە باعدارلاما ارقىلى 12 مىڭ قازاقستاندىق باسپانالى بولادى دەپ جوسپارلانعان. ونى ىسكە اسىرۋعا بيىلدىققا 300 ملرد قاراجات بولىنگەن. جاڭا «ناۋرىز» يپوتەكالىق باعدارلاماسى بويىنشا حالىقتىڭ الەۋمەتتىك وسال توپتارى جىلدىق 7 پايىزبەن (جتسم 7,3%-دان 8,9% دەيىن) نەسيە الا الادى. اتاپ ايتقاندا, I جانە II توپتاعى مۇگەدەكتەر, مۇگەدەك بالالارى بار نەمەسە ولاردى تاربيەلەپ وتىرعان وتباسىلار, دەنساۋلىق ساقتاۋ سالاسىنداعى ۋاكiلەتتi ورگان بەكiتكەن اۋرۋلاردىڭ تiزبەسiندە اتالعان كەيبiر سوزىلمالى اۋرۋلاردىڭ اۋىر تۇرلەرiمەن اۋىراتىن ادامدار, جاسى بويىنشا زەينەتكەرلەر, كامەلەتكە تولعانعا دەيىن اتا-اناسىنان ايىرىلعان 29 جاسقا دەيىنگى جەتىم بالالار مەن اتا-اناسىنىڭ قامقورلىعىنسىز قالعان بالالار. مۇنداي ادامدار اسكەري قىزمەتكە شاقىرىلعان كەزدە جاسى مىندەتتى اسكەري قىزمەت وتكەرۋ مەرزىمىنە ۇزارتىلادى; قانداستار; ەكولوگيالىق ءزىلزالالار, تابيعي جانە تەحنوگەندىك سيپاتتاعى توتەنشە جاعدايلار سالدارىنان باسپاناسىنان ايىرىلعان ادامدار; «التىن القا», «كۇمىس القامەن» ماراپاتتالعان نەمەسە بۇرىن «باتىر انا» اتاعىن العان كوپبالالى انالار, سونداي-اق I جانە II دارەجەلى «انا داڭقى» وردەندەرىمەن ماراپاتتالعاندار, كوپبالالى وتباسىلار; مەملەكەتتiك نەمەسە قوعامدىق مiندەتتەردi, اسكەري قىزمەتتi ورىنداۋ كەزiندە, عارىش كەڭiستiگiنە ۇشۋعا دايىندىق نەمەسە ۇشۋدى ورىنداۋ كەزiندە, ادام ءومiرiن قۇتقارۋ كەزiندە, قۇقىقتىق ءتارتiپتi قامتاماسىز ەتۋ كەزiندە قازا تاپقان (قايتىس بولعان) ادامداردىڭ وتباسىلارى; تولىق ەمەس وتباسىلار. ال بۇلاردىن قاتارىنا كىرمەيتىندەر 9 پايىزبەن (جتسم 9,3%-دان 11,8% دەيىن) نەسيە الادى. باعدارلاماعا قاتىسۋ ءۇشىن «وتباسى بانكىندە» دەپوزيت شوتى اشىلۋى كەرەك, بىراق سالىم مەرزىمى ەسكەرىلمەيدى. جيناق شوتىندا كەمى 1 ملن تەڭگە كولەمىندە قاراجات بولۋى ءتيىس دەيدى ۇيىمداستىرۋشىلار. ەڭ باستىسى قاتىسۋشىنىڭ سوڭعى 5 جىلدا اتىندا ءۇيى بولماۋى ءتيىس.
سونىمەن قاتار بۇل باعدارلاماعا ستۋدەنتتەر دە قاتىسۋ مۇمكىندىگىنە يە. ولاردىڭ ستيپەندياسىنىڭ مولشەرى ەسكەرىلەدى. قارىزدىڭ ەڭ جوعارى سوماسى 30 ميلليون تەڭگەنى قۇرايدى. سونداي-اق ءبىر نەسيە اياسىندا ازاماتتار ساتىپ الاتىن ءۇيدى جوندەي الادى. بۇعان دا كرەديت قاراستىرىلعان, ول نەسيەنىڭ جالپى سوماسىنىڭ 20% - نان اسپاۋعا ءتيىس. بانك وكىلدەرىنىڭ ايتۋىنشا, باعدارلاما باسپانا الامىن دەۋشىلەرگە ۇلكەن مۇمكىندىك. «وتباسى بانك» وكىلدەرىنىڭ سوزىنشە مۇنداي اشىق ەسىك كۇنى الداعى ۋاقىتتا جالعاسىن تاپپاق.
اقمارال بيسەمباەۆا
