فوتو:اشىق دەرەككوز
ۇكىمەتتىڭ ءباسپاسوز قىزمەتىنىڭ حابارلاۋىنشا, مەملەكەت اگرارلىق-ونەركاسىپتىك كەشەندى دامىتۋعا 635 ملرد تەڭگە بولەدى. وسى باعىت شەڭبەرىندە كوكتەمگى ەگىس جانە ەگىن جيناۋ جۇمىستارىن جەڭىلدەتىلگەن نەسيە بەرۋدى ىسكە اسىرۋ, «اۋىل اماناتى» جوباسى اياسىندا اۋىل تۇرعىندارى تابىسىن ارتتىرۋ, سقو تاجىريبەسى بويىنشا ءىرى ينۆەستيتسيالىق جوبالارعا نەسيە بەرۋ, سونداي-اق اوك-ءتى سۋبسيديالاۋ جوسپارلانعان.
«كولىك ينفراقۇرىلىمىن دامىتۋعا رەسپۋبليكالىق بيۋدجەتتەن 568 ملرد تەڭگە بولىنەدى. وسىلايشا, 18 مىڭ شاقىرىمنان استام جولدى كۇتىپ ۇستاۋ, مەملەكەتتىك كەپىلدىك بەرىلەتىن قارىزدار ەسەبىنەن رەسپۋبليكالىق ماڭىزى بار اۆتوجولدارىنىڭ 10 جوباسى رەكونسترۋكتسيالانىپ, 7 292 بىرلىك مولشەرىندە تەمىرجول ۆاگوندارىنىڭ جىلجىمالى قۇرامى پاركى جاڭارتىلادى», دەلىنگەن حابارلامادا.
سونىمەن قاتار شوب-تى قولداۋ ءۇشىن جەكە كاسىپكەرلىك سۋبەكتىلەرىنە بەرىلگەن نەسيەلەر بويىنشا قابىلدانعان مىندەتتەمەلەردى وتەۋگە, وپەراتورلىق قىزمەتتەر كورسەتۋگە, سونداي-اق كاسىپكەرلىك الەۋەتتى كۇشەيتۋگە جانە ساۋىقتىرۋعا سىياقى مولشەرلەمەسىن سۋبسيديالاۋعا بيۋدجەتتەن 204 ملرد تەڭگە بولىنەتىنى اتاپ ءوتىلدى.
