ماتەريالدىق كومەكتىڭ جالپى سوماسى 4 ملن تەڭگەنى قۇرايدى. جومارت جاندار بالالارعا قىزىقتى ويىن-ساۋىق باعدارلاماسىن دا ۇسىندى. يگى ءىس-شارانىڭ اشىلۋ سالتاناتىنا استانا قالاسى ىشكى ساياسات باسقارماسىنىڭ باسشىسى نۇرداۋلەت ءالمۇحانوۆ قاتىسىپ, اكتسياعا قولداۋ كورسەتكەن بارلىق جاناشىر جانعا العىس ءبىلدىردى.
– «مەكتەپكە جول» رەسپۋبليكالىق اكتسياسى جىل سايىن ءداستۇرلى تۇردە جالعاسىپ كەلەدى. بۇل اكتسيا استانا قالاسىنىڭ قازاقستان حالقى اسسامبلەياسىنىڭ قولداۋىمەن ءوتىپ جاتىر. بالالارعا مەكتەپكە قاجەتتى بارلىق قۇرال-جابدىق بەرىلدى. وسى ورايدا اكتسياعا اتسالىسىپ, كومەك كورسەتكەن دەمەۋشىلەرگە العىسىمدى بىلدىرەمىن, – دەدى باسقارما باسشىسى.
جىل باسىنان بەرى قالالىق اسسامبلەيا مۇشەلەرى كورسەتكەن قايىرىمدىلىق جانە گۋمانيتارلىق كومەكتىڭ جالپى سوماسى شامامەن 49,5 ملن تەڭگەنى قۇرايدى. ءوز كەزەگىندە استانا قالاسى قحا اقساقالدار كەڭەسىنىڭ مۇشەسى ءامىرجان الپەيىسوۆ اكتسيانىڭ ماقساتىنا توقتالدى.
– ءبىزدىڭ كوزدەگەنىمىز – وقۋشىلاردى مەكتەپكە قاجەتتى بارلىق قۇرال-جابدىقپەن قامتاماسىز ەتۋ, تۇرمىس جاعدايى تومەن جانە كوپبالالى وتباسىدان شىققان بالالارعا جاڭا وقۋ جىلى اياسىندا الەۋمەتتىك قولداۋ كورسەتۋ, – دەدى ول.
1 تامىزدان 30 قىركۇيەككە دەيىن از قامتىلعان, كوپبالالى وتباسىلار, جەتىم بالالار جانە اتا-اناسىنىڭ قامقورلىعىنسىز قالعان بالالار قاتارىنداعى ءبىلىم الۋشىلارعا «مەكتەپكە جول» رەسپۋبليكالىق اكتسياسى اياسىندا دەمەۋشىلىك قاراجاتى ەسەبىنەن كەرەك-جاراقتارى بار مەكتەپ سومكەلەرى تۇرىندە كومەك كورسەتىلەدى. يگى ءىس اياسىندا بارلىعى 8 500-دەن اسا بالانى قامتۋ جوسپارلانىپ وتىر.
