زارداپ شەككەندەردەن ولارعا ماتەريالدىق شىعىن كەلتىرۋى مۇمكىن كىم دەپ كۇدىكتەنەتىندەرى سۇرالعاندا, ۇشەۋى دە جەكە جانە بانك دەرەكتەرىنە قول جەتكىزە العان تانىس ءبىر جاس جىگىتتى كورسەتكەن. ەكەۋىنە ول ونلاين-كازينودان ۇتىستى قولما-قول اقشاعا اينالدىرۋعا كومەكتەسۋدى سۇراپ كەلگەن. ال ءۇشىنشى الدانعان ايەلدى بۇل اككى جىگىت قارىز راسىمدەۋگە كوندىرىپ, قارىزدى تەز ارادا قايتارامىن دەپ ۋادە بەرگەن. كەيىن ايەل ءوز اتىنا ءبىر ەمەس, بەس نەسيە راسىمدەلگەنىن انىقتادى. بىراق بىردە-ءبىر قارىز قايتارىلماعان.
زارداپ شەككەندەردىڭ بارلىعى تانىسىنىڭ تاباندى ۋادەلەرىنە سەنىپ, ولار كورسەتكەن قارجىلىق پروتسەدۋرالاردى ورىنداۋ ءۇشىن قاجەتتى بيومەتريالىق تەكسەرۋدەن ءوز ەرىكتەرىمەن وتكەندەرىن ايتتى. وسىنى پايدالانعان الاياق بىرەۋدىڭ ەسەبىنەن بايىپ, جالپى سوماسى ميلليون تەڭگەدەن استام قاراجاتتى يەمدەنگەن.
الاياقتىڭ اتى-ءجونى مەن تۇرعىلىقتى جەرى ونىڭ قۇرباندارىنا بەلگىلى بولعاندىقتان, جاس جىگىت جەدەل تۇردە قاماۋعا الىندى. قۇقىق بۇزۋشى ءۇش جىلعا باس بوستاندىعىن شەكتەۋ جازاسىنا كەسىلدى. سونىمەن قاتار, ول وعان قارسى ازاماتتىق تالاپ قويعان ەكى زارداپ شەككەن ادامعا كەلتىرىلگەن زالالدى تولىعىمەن وتەۋگە مىندەتتى.
