جىر بولعان جتسم تومەندەدى

قارجى نارىعىن رەتتەۋ جانە دا­مى­تۋ اگەنتتىگى ۇلتتىق بانكپەن بىر­لە­­سىپ «جىلدىق ءتيىمدى سىياقى مول­شەر­­لەمەسىنىڭ شەكتى مولشەرلەرىن اي­­­قىنداۋ تۋرالى» جتسم شەكتى مول­­شەرىن تومەندەتۋدى كوزدەيتىن بىر­لەس­كەن قاۋلىنى (2024 جىلعى 16 تامىز­داعى №62 جانە 2024 جىلعى 19 تامىز­داعى №45) قابىلدادى.

بىرلەسكەن قاۋلى بيىل 19 ماۋسىمدا مەملەكەت باسشىسى قول قويعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كرەديت بەرۋ كەزىندە تاۋەكەلدەردى بارىنشا ازايتۋ, قارىز الۋشىلاردىڭ قۇقىقتارىن قورعاۋ, قارجى نارىعىن رەتتەۋدى جانە اتقارۋشىلىق ءىس جۇرگىزۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىن ىسكە اسىرۋ ءۇشىن قابىلداندى.

بىرلەسكەن قاۋلىمەن جتسم-ءنىڭ شەكتى مولشەرلەرى بانكتەردىڭ كرەديتى جانە ميكروقارجى قىزمەتىن جۇزەگە اسىراتىن ۇيىمداردىڭ ميكروكرەديتى بويىنشا مىناداي ماندەرگە دەيىن تومەندەتىلدى:

• كەپىلسىز بانكتىك قارىزدار بو­يىنشا جتسم 56%-دان 46%-عا دەيىن تومەندەتىلدى;
• كەپىلدى بانكتىك قارىزدار بو­يىنشا جتسم 40%-دان 35%-عا دەيىن تومەندەتىلدى;
• يپوتەكالىق تۇرعىن ءۇي قارىز­دارى بويىنشا جتسم – 25%;
• ميكروقارجىلىق قىزمەتتى جۇ­زەگە اسىراتىن ۇيىمداردىڭ ميكرو­كرەديتى بويىنشا جتسم 56%-دان 46%-عا دەيىن تومەندەتىلدى.

زاڭمەن 45 كۇنگە دەيىنگى مەرزىمگە بەرىلەتىن 50 ايلىق ەسەپتىك كورسەتكىشكە (184 600 تەڭگە) دەيىنگى سوماداعى ميكروكرەديتتەردى رەتتەۋدىڭ ەرەكشە ءتارتىبى جويىلدى. بۇعان دەيىن وسى ميكروكرەديتتەر بويىنشا شەكتى جتسم-ءدى شەكتەۋدىڭ ورنىنا كرەديت مەرزىمىنە نومينالدى مولشەرلەمەنىڭ شەكتى مولشەرى كۇنىنە 1%-عا دەيىن, بىراق
45 كۇندە 20%-دان اسپايتىن مولشەردە بەل­گىلەندى. جىلدىق ءتيىمدى ەسەپتەۋ­دە بۇل 339% جانە ودان جوعارى بولعان.

وسىعان وراي ميكروكرەديت بويىنشا بىرلەسكەن قاۋلىمەن 45 كۇنگە دەيىن سىياقى مولشەرلەمەلەرى بويىنشا شەكتەۋلەر قاتاڭداتىلدى:

• ءبىر كۇندىك نومينالدى مول­شەر­لەمە 1%-دان 0,3%-عا دەيىن تومەن­دەتىلدى;
• شەكتى جتسم 179%-دان اسپايتىن مولشەردە ەنگىزىلدى.

«قارىز الۋشىلاردىڭ بورىش جۇكتەمەسىن شەكتەۋدىڭ قوسىم­شا شاراسى رەتىندە مۇنداي ميكرو­كرەديتتەردىڭ شەكتى سوماسى 50 اەك-تەن (184 600 تەڭگە) 45 اەك-كە (166 140 تەڭگە) دەيىن تومەندەتىلدى. بۇل وزگەرىستەر بانكتىك قارىزدار مەن ميكروكرەديتتەر بويىنشا شەكتى مولشەرلەمەلەردى تومەندەتۋگە مۇمكىندىك بەرىپ, حالىقتىڭ بورىش جۇكتەمەسىن جانە شامادان تىس كرەديت الۋىن ازايتۋعا ىقپال ەتەتىن بولادى», دەلىنگەن اگەنتتىك حابارلاماسىندا.

بۇل وزگەرىستەر حالىقتىڭ قارىز اۋىرتپالىعىن جەڭىلدەتۋگە اسەرىن تيگىزۋگە ءتيىس. سەبەبى جاڭا وزگەرىستەر­گە سايكەس ازاماتتار ۇستەمە تولەمدى ازىراق تولەيتىن بولادى. ميكروقارجى شەكتى سوماسىنىڭ 50-دەن 45 اەك-كە دەيىن تومەندەتىلۋى دە – جاقسى جاڭالىق. جاڭا ەرەجەلەر ءتيىمدى جۇمىس ىستەۋى ءۇشىن ەسكى قاۋلىلاردىڭ كۇشى جويىلدى. ساراپشىلار ەنگىزىل­گەن وزگەرىستەر تۇتىنۋشىلار قۇقىعىن قورعاۋدى جانە جالپى قارجىلىق احۋالدى جاقسارتۋعا كومەكتەسەدى دەپ ۇمىتتەنەدى.

بۇعان دەيىن قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا تۇتىنۋشىلىق نەسيە بويىنشا مولشەرلەمە بانك, مقۇ جانە ونلاين-كرەديتورلار ارا­لىعىندا قۇبىلىپ تۇرادى دەگەن بولاتىن. بۇل ورايدا ول نەسيە الۋ شەشىمىن ابدەن ويلانىپ بارىپ قابىلداۋعا شاقىرادى.