رەسەيدە جوعارى بەلسەندىلىك تانىتىلدى

ماسكەۋدەگى قازاقستاننىڭ رەسەيدەگى ەلشىلىگىنىڭ رەزيدەنتسياسىندا ورنا­لاسقان №215 سايلاۋ ۋچاسكەسىندە قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى ءوتتى. وسىندا ءوز ازاماتتىق جانە كونستيتۋتسيالىق قۇقىعىن ورىنداۋ ءۇشىن رەسەيدىڭ بىرقاتار ايماقتارىنان ازاماتتارىمىز كەلىپ داۋىستارىن بەردى, دەپ حابارلادى قازاقستاننىڭ رەسەيدەگى ەلشىلىگىنىڭ ءباسپاسوز قىزمەتى. «ماسكەۋدەن باسقا, رەسەيدىڭ – سانكت-پەتەربۋرگ, قازان, ومبى جانە استراحان قالالارىندا ورنالاسقان ەلىمىزدىڭ كون­سۋلدىق مەكەمەلەرىندە دە سايلاۋ ۋچاس­كەلەرى اشىلدى. ساعات 13:00-گە دەيىنگى مالىمەتكە سايكەس, رەسەي اۋماعى بويىنشا نەگىزگى تىزىمگە تىركەلگەن 3000-عا جۋىق قازاقستان ازاماتتارىنىڭ 2 152-ءسى, شامامەن 72%-ى داۋىس بەرىپ بولدى. وسى مالىمەتكە سۇيەنەر بولساق, اتالمىش ەلدەگى سايلاۋ ۇدەرىسى بەلسەندى وتۋدە», دەدى قازاقستاننىڭ رەسەيدەگى ەلشىلىگىنىڭ كەڭەسشى-ۋاكىلى, سايلاۋ ۋچاس­كە­سىنىڭ توراعاسى ۆيكتور تەمىرباەۆ. ونىڭ ايتۋى بويىنشا, كەلگەن ازاماتتار سابىر­لى جانە ۇيىمداسقان تۇردە داۋىس بەرگەن. رەسەي ەلورداسىندا داۋىس بەرىپ ۇلگىرگەندەر اراسىندا – قازاقستان ەل­شىلىگىنىڭ ديپلوماتتارى, قر ساۋدا وكىلدىگىنىڭ جانە ەۋرازيا ەكونو­ميكا­لىق وداق كوميسسياسىنىڭ (ەاەوك) قىزمەتكەرلەرى, ماسكەۋدەگى قر ۇلت­تىق كومپانيالار وكىلدەرى, ماسكەۋ جوعارى وقۋ ورىندارىنىڭ, اسكەري مەكە­مە­لە­رىنىڭ ستۋدەنتتەرى مەن كۋرسانتتارى بار. ەاەوك-تىڭ ەكونوميكا جانە قارجى ساياساتىنا جاۋاپتى مۇشەسى (مينيستر) تيمۋر سۇلەيمەنوۆ ءوزى داۋىس بەرىپ بولعان سوڭ, سايلاۋعا قاتىسۋ ول ازاماتتىق بورىش جانە ونى دەر كەزىندە ورىنداپ وتىرۋ قاجەت, دەپ اتاپ ايتتى. «مەن بۇگىن اتا زاڭمەن بەكىتىلگەن قۇقىعىمدى ورىنداۋ ءۇشىن سمولەنسكى­دەن ارنايى كەلدىم», دەدى سمولەنسك اسكەري اكادەمياسىنىڭ كۋرسانتى سە­رىك جەكسەنبەكوۆ. «بۇگىن بارلىق ەلىمىز ءۇشىن اسا ما­ڭىزدى كۇن جانە مەنىڭ پىكىرىم بويىنشا ەلىمىزدىڭ ءار ازاماتى قاي جەردە بولسا دا سايلاۋعا قاتىسۋى ءتيىس», دەدى اسكەري دەريجەرلار ينستيتۋتىنىڭ كۋرسانتى – ءادي قابدىراحمانوۆ. ماسكەۋدەگى ۋچاسكەگە ۇلى وتان سو­عىسىنىڭ ارداگەرى اندرەي تسىكۋ­نوۆتىڭ كەلگەنىنە باق وكىلدەرى ەرەكشە نازار اۋداردى. «مەن شىعىس قازاقستاننىڭ شەمو­نايحا اۋماعىندا دۇنيەگە كەلدىم. اكەم سوعىستا قايتىس بولدى. سودان كەيىن مەن سوعىستا قازا تاپقان ميلليونداعان وتانداستارىم ءۇشىن كەك الامىن دەگەن ويمەن جاياۋ اسكەر توبى قۇرامىندا شايقاستىم. قازاقستان جالپىعا ورتاق – ۇلى جەڭىسكە ەلەۋلى ۇلەس قوستى. وقتار­دىڭ جارتىسى تۋعان رەسپۋبليكامدا جاسالعانى بەلگىلى. بارلىقتارىن كەلە جاتقان جارقىن مەرەكە ۇلى جەڭىس كۇنىمەن شىن جۇرەكتەن قۇتتىقتايمىن! مەن بۇگىنگى كۇنى رەسەي استاناسىندا سايلاۋ قۇقىعىمدى ورىنداعانىما وتە ريزامىن. قازاقستاننىڭ ودان ءارى دامۋىنا, بيىك جەتىستىكتەرگە جەتە بەرۋىنە شىنايى تىلەكتەسپىن», دەدى ارداگەر. حالىقارالىق بايقاۋشىلار ءماس­كەۋدە ءوتىپ جاتقان سايلاۋ ۇدەرىسىنىڭ ۇيىمداستىرىلۋىنا جوعارى باعاسىن بەرۋدە. تمد پارلامەنتارالىق اسسام­بلەيا­سى تالداۋ باسقار­ما­سىنىڭ كەڭەسشىسى ۆاديم بەكەتوۆ «تمد-عا قاتىسۋشى مەملە­كەت­تەر­دىڭ پار­لامەنتارالىق اسسامبلەيا­سى اتىنان حالىقارالىق بايقاۋ­شى­لار №215 سايلاۋ ۋچاسكەسىن­دە مونيتورينگ ءجۇر­گىزدىك, ءىس-شاراعا دايىن­دىقتىڭ جوعارى دەڭگەيىن اتاپ ءوتۋ قاجەت», دەپ مالىمدەدى. قازاقستاننىڭ رەسەي فەدەراتسياسىنداعى ەلشىلىگىنىڭ ءباسپاسوز قىزمەتى.